Baýyrjan Jolshıev «Astana» sapyn tolyqtyrdy
ASTANA. QazAqparat - «Astana» fýtbol klýbynyń Dýbaıdaǵy oqý-jattyǵý jıynyna Baýyrjan Jolshıev kelip qosyldy, dep xabarlaıdy «QazAqparat» HAA tilshisi klýbtyń baspasóz qyzmetine silteme jasap.
Birikken Arab Ámirlikterinde oqý-jattyǵý jıynyn ótkizip jatqan «Astana» fýtbol klýbynyń jattyǵý bazasyna Qazaqstan ulttyq quramasynyń jáne elordalyq komandanyń burynǵy oıynshysy Baýyrjan Jolshıev kelip qosyldy. 27 jastaǵy fýtbolshy 2014-2015 jyldary «Astana» fýtbol klýby sapynda óner kórsetken bolatyn.
Osy jańalyq týraly pikir bildirgen «Astana» fýtbol klýbynyń Prezıdenti Saıan Hamıtjanov: «Biz negizi oıynshylardy baqylaýdan ótkizýden góri, olardy syrttaı baqylaǵandy jón sanaımyz. Al Baýyrjanǵa taǵy bir múmkindik berýdi jón sanadyq. Bul oıynshy 2015 jyly «Astana» fýtbol klýby el fýtboly tarıhynda alǵash ret ÝEFA Chempıondar Lıgasynyń toptyq kezeńine joldama alǵan tusta, komandaǵa eleýli úlesin qosqan bolatyn. Men Baýyrjannyń bapkerler quramy men elimizdiń barsha fýtbol qoǵamyna óziniń eńbekqor azamat ekendigin taǵy bir márte dáleldep, jarqyn oıynymen jankúıerlerge qýanysh syılaıtynyna senimdimin. Óz basym Baýyrjannyń burynǵy babyna qaıta kelip, óz oıynyn tabatynyna senemin», - dedi.
Esterińizge sala keteıik, Jolshıev «Astana» sapynda ótkizgen 69 kezdesýde, 15 gol soǵyp, 9 nátıjeli pas bergen edi.
