Baýyrjan Ospanov boksshy Nazym Qyzaıbaıǵa úı salyp berdi
TALDYQORǴAN. QazAqparat - Sport janashyry, metsenat Baýyrjan Ospanov boksshy Nazym Qyzaıbaıǵa úı salyp berdi dep habarlaıdy QazAqparat tilshisi. Bul jóninde sportshy əleýmettik jelidegi Instagramm paraqshasyna jazǵan.
«Sálemetsizder me meniń qurmetti ınsta oqyrmandarym.
Men 2014 jyly birinshi ret Álem chempıonatyn utqanda Baýyrjan Ospanov aǵamyz maǵan kólik syılaǵan edi, al 2016 jyly mamyr aıynda ózimizdiń Astanada ótken Álem chempıonatynyń jeńimpazy bolyp, Álemniń eki dúrkin chempıony atanǵanda maǵan jáne ata-ana, baýyrlaryma úlken úı salyp beremin degen edi. Mine, qazir sol úıge kóship keldik. Osyndaı aǵamyzǵa barlyq otbasymyzdyń atynan úlken rahmet aıtqym kelip otyr! Osyndaı Baýyrjan aǵamyzdaı, qazaqtyń sportqa degen barlyq jaǵynan kómektesip, kóńil bólip júrgen aǵalarymyzǵa myń da bir rahmet!!! Aman bolyńyz, Baýyrjan aǵa!» - dep chempıon óz qýanyshymen bólisken.
Aıta ketý kerek, sport janashyry Baýyrjan Ospanovqa Qanat Islam da óz alǵysyn jaýdyrǵan bolatyn. Jəne metsenat óziniń jerlesterine de erekshe qamqorlyǵyn jasaýda. Qazir Almaty oblysy Alakól aýdany Jylandy aýylynyń halqyna bar jaǵdaı jasalǵan. Aýylda kınoteatr, sportzal, demalys alańy, toıhana syndy halyq úshin asa qajetti ǵımarattardyń barlyǵyn Baýyrjan Ospanov jóndep, el ıgiligine berdi. Sondaı-aq atalǵan aýyl halqy ishimdikten bas tartqan. Turǵyndarǵa qymyz kúndelikti tegin taratylady. Oqýshylarǵa sapaly bilim berý maqsatynda aýylǵa qalanyń bilikti mamandaryn metsenat ózi arnaıy shaqyryp, olarǵa barlyq jaǵdaıdy jasaǵan. Jańa baspana salyp, jalaqylaryn da birneshe ese ósirgen.
Salemetsizder me meniń qurmetti ınsta oqyrmandarym🙂 Men 2014-shi jyly birinshi ret Álem chempıonatyn utqanda Baýyrjan Ospanov aǵamyz maǵan kólik syılaǵan edi,al 2016 jyly Mamyr aıynda,ózimizdin Astanada ótken Álem chempıonatynyń jeńipazy bolyp, Álemniń eki dúrkin chempıony atanǵanda😊maǵan jáne ata-ana,baýyrlaryma ýlken ýı salyp beremin degen edi😳mine qazir sol ýıge kóship keldik. Osyndaı aǵamyzǵa barlyq otbasmyzdyń atynan ÚLKEN RAHMET aıtqym kelip otyr! Osyndaı Baýyrjan agamyzdaı, Qazaqtyń sportqa degen barlyq jaǵynan kómektesip,kóńil bólip júrgen aǵalarymyzǵa myńda bir RAHMET!!! AMAN BOLYŃYZ BAÝYRJAN AǴA!
