Baýyrjan Muhametjanov Qazaqstannyń Grýzııadaǵy Elshisi qyzmetinen bosatyldy

ASTANA. QazAqparat - Memleket basshysy Qasym-Jomart Toqaevtyń Jarlyǵymen Baýyrjan Álimuly Muhametjanov Qazaqstan Respýblıkasynyń Grýzııadaǵy Tótenshe jáne Ókiletti Elshisi laýazymynan bosatyldy, dep habarlaıdy QazAqparat Aqordaǵa silteme jasap.

Eske salaıyq, Prezıdent elimizdiń Grýzııadaǵy Elshisi qyzmetine Málik Keńesbaıuly Myrzalındi taǵaıyndady. M.Myrzalın QR Prezıdenti Ákimshiligi Basshysynyń orynbasary laýazymynan bosatyldy.

Búgin sondaı-aq, Qazaqstannyń Bolgarııa, Lıtva jáne Albanııadaǵy Elshileri taǵaıyndaldy.