Baýyrjan Momyshuly týraly fılmde bas keıipkerdi somdaǵan akter otbasyn qurdy
ASTANA. QazAqparat - Qazaqtyń batyr ulynyń qaısar ómir joly týraly túsirilgen «Baýyrjan Momyshuly» fılminde basty róldi oınaǵan akter Erkebulan Daıyrov shańyraq kóterdi.
28 jastaǵy akterdiń tańdaǵan jary 26 jasar Láılá Tileýova da óner ıesi eken. Birqatar qazaqstandyq telehıkaıalarǵa túsip úlgergen ol M.Áýezov atyndaǵy teatrdyń sahnasyndaǵy qoıylymdarda kópshilik nazaryna iligip júr, dep jazady lady.mail.ru.
Aıta keteıik, Erkebulan Aqan Sataevtyń fılminde batyr atasynyń beınesin somdaý arqyly tanymal bolǵan edi. Osy róli úshin ol «Namys» medalimen marapattaldy.
Aleksandr Bektiń «Volokolam tas joly» atty týyndysy boıynsha túsirilgen «Baýyrjan Momyshuly» kórkem fılminde soǵystyń qıyn-qystaý kúnderinde batyrdyń basynan keshkenderi baıandalady.
