Baýyrjan Kúmisqalıev karate kekýshınkaıdan Álem chempıony atandy
ASTANA. 1 aqpan. QazAqparat - Atyraýlyq sportshy Baýyrjan Kúmisqalıev karate kekýshınkaıdan tuńǵysh ert ótkizilgen «Gran-prı-2013» álem kýbogi jarysynda óz sanatynda chempıondyq ataqqa ıe boldy.
Álemdik birinshilikke dúnıe júziniń 17 elinen 650-den astam karateshi qatysqan bolatyn. Jarysty Shıhan Lıýk Hollander tóraǵalyq etetin Dúnıejúzilik kıokýshınkaı federatsııasy (Kyokushin World Federation) ótkizdi.
Erler arasynda 70 keli salmaq dárejesinde synǵa túsken otandasymyz bes kezdesý ótkizip, barlyǵynda da jeńiske jetti. Onyń ekeýinde aıqyn basymdyqpen utty. Baýyrjan - atalmysh dodada Qazaqstan quramasy úshin júlde utqan jalǵyz sportshy boldy. Onyń altyn medali Japonııa men Reseı elderinen keıin Qazaqstanǵa jalpykomandalyq eseptegi úshinshi oryndy ıelenýge múmkindik berdi. Sportshyny Atyraý oblysynyń bas jattyqtyrýshysy Nurjan Kenjebolatov baptap shyǵarǵan. Bunyń aldynda B.Kúmisqalıev ózge de halyqaralyq jarystarda da aldyna jan salmaǵan. Tipti Eýropa birinshiliginde úzdik atanǵany esimizde.
