Baýyrjan Qanıev: Importtyq ónimge táýeldilik - eldiń azyq-túlik qaýipsizdigine tóngen qaýip

NUR-SULTAN. QazAqparat – Senator Baýyrjan Qanıev Premer-Mınıstr Álıhan Smaıylovtyń atyna joldaǵan depýtattyq saýalynda azyq-túlik qaýipsizdigi máseleleri men olardy sheshý tetikterin aıtty, dep habarlaıdy QazAqparat tilshisi.

Depýtattyń aıtýynsha, Aýyl sharýashylyǵy mınıstrliginiń boıynsha qazir elge sút ónimderiniń 23%-y, qus etiniń 38%-y, shujyq ónimderiniń 44%-y ımporttalady. ıAǵnı, el ımporttyq ónimderge aıtarlyqtaı táýeldi, bul memlekettiń azyq-túlik qaýipsizdigine naqty qaýip tóndiredi.

Osyǵan baılanysty depýtat eldiń ımportqa táýeldiligin tómendetý, tamaq ónimderi óndirisin damytýdy qamtamasyz etý, eksport pen ımporttyń teńgerimdi qurylymyn saqtaý, sondaı-aq azyq-túlikpen qamtamasyz etýdi turaqtandyrý úshin rezervtik qorlar qurýdy oryndy dep sanaıdy.

«Elimizdiń azyq-túlik qaýipsizdigin qamtamasyz etý úshin memlekettik astyq resýrstaryn jáne basqa da aýyl sharýashylyǵy ónimderin qalyptastyrý, saqtaý jáne paıdalaný máselelerin zańnamalyq turǵydan bekitýdi usynamyz. Sondaı-aq, áleýmettik mańyzy bar azyq-túlik taýarlaryna shekti baǵany belgileý ári saýda ústemelerin 15% - dan 10% - ǵa deıin tómendetýdi jáne elde óndirilmeıtin nemese syrtqy naryqtarda az mólsherde óndiriletin ónimderdi satyp alý tetigin engizýdi usynamyz», - dedi depýtat Senattyń jalpy otyrysynda.