Baýyrjan Islamhannyń dopıng-synaǵynda tyıym salynǵan preparat tabylǵan
NUR-SULTAN. QazAqparat - Azııa Chempıondar Lıgasynyń oıynynan keıin fýtbolshynyń tapsyrǵan dopıng-synaǵynda tyıym salynǵan preparat tabylǵan. Ol ýaqytsha resmı oıyndarǵa qatyspaıdy, dep habarlaıdy QazAqparat Qazaqstan fýtbol federatsııasynyń resmı saıtyna silteme jasap.
Federatsııadan málim etkendeı, ulttyq quramanyń birneshe negizgi oıynshylary aldaǵy matchtarǵa qatysa almaıdy.
Jaraqattaryna baılanysty jartylaı qorǵaýshylar Baktıer Zaınýtdınov, Serikjan Mýjıkov, Dýman Nárzildaev, sonymen qatar ortalyq qorǵaýshy Sergeı Malyı ulttyq quramanyń qataryna kele almady.
Densaýlyqtaryna baılanysty aldaǵy oıyndarǵa qorǵaýshy Temirlan Erlanov pen jartylaı qorǵaýshy Ashat Taǵybergen qatyspaýy múmkin.
Qazaqstan quramasynyń kapıtany Baýyrjan Islamhan da kómekke kele almaıdy. Azııa Chempıondar Lıgasynyń oıynynan keıin fýtbolshynyń tapsyrǵan dopıng-synaǵynda tyıym salynǵan preparat tabylǵan. Ol ýaqytsha resmı oıyndarǵa qatyspaıdy.
Belarýstyq «Rýh» komandasynyń jartylaı qorǵaýshysy Vladıslav Vasılev oınamaıdy. Fýtbolshynyń Covid-19 tapsyrǵan synaǵy oń nátıje kórsetken.
Qosalqy tizimnen ortalyq alańda oınaıtyn jartylaı qorǵaýshylar Aslan Darabaev pen ıÝrıı Pertsýh, sonymen qatar, shabýylshy Toqtar Jańǵylyshbaı shaqyryldy.
