Baýyrjan Islamhan el quramasyna shaqyrtý aldy

ASTANA. QazAqparat - Baýyrjan Islamhan Qazaqstan ulttyq quramasynyń qarasha aıynda Ózbekstan jáne Birikken Arab Ámirligi quramalarymen ótetin joldastyq kezdesýlerine shaqyrtý aldy, dep habarlaıdy QazAqparat tilshisi.

Bul jóninde Qazaqstan fýtbol federatsııasy málim etti.

Baýyrjan Islamhannyń fýtboldan eki jylǵa shettetý jazasynyń merzimi aıaqtaldy. Endi ol kásipqoı komandamen jattyǵýdy jalǵastyrýyna bolady. Buǵan baılanysty tıisti qujattar alyndy.

Aıta keteıik, el quramasynyń bapkerler quramy bir aı boıy Baýyrjan Islamhanmen jumys júrgizdi. Onyń qorytyndysy boıynsha Almatyda bastalatyn jıynǵa shaqyrtý týraly sheshim qabyldandy.

«Baýyrjan týraly kóp estidim. Onyń erekshe talanty men mol tájirıbesi bar. Aldaǵy oqý-jattyǵý jıynynda onyń fızıkalyq daıyndyǵyn qaraǵym keledi. Óıtkeni, eki jyldaı onyń oıyn tájirıbesi bolǵan joq. Oqý-jattyǵý jıynynda onyń baby qandaı ekenin baıqap, aldaǵy oıyndarǵa qanshalyqty daıyn ekenin anyqtaımyz», - deıdi ulttyq qurama bapkeri Magomed Adıev.

Fýtbolshy sońǵy ret el quramasy sapynda 2020 jyldyń qyrkúıeginde Belarýs komandasyna qarsy oınady.