Baýyrjan Baıbektiń shymkenttiktermen kezdesýinde qandaı máseleler kóterildi
Partııa Tóraǵasynyń birinshi orynbasary Baýyrjan Baıbek aldymen Shymkentke at basyn tirep, qaladaǵy birqatar problemalyq nysandardy aralady. Sondaı-aq búgin kezekten tys konferentsııada Shymkent ákimi Murat Áıtenov qalalyq fılıal tóraǵasy bolyp saılandy.
B.Baıbek jumys saparyn Abaı aýdanyndaǵy M. Vodopıanov kóshesinde ótken jyly úıleri órtengen turǵyndarmen kezdesýden bastady. Bul problemalyq nysan partııa Tóraǵasynyń birinshi orynbasarynyń aldyńǵy saparynyń qorytyndysy boıynsha qyrkúıekte partııalyq baqylaýǵa alynǵan bolatyn. Qazirgi ýaqytta «Otaý stroı» qurylys kompanııasy turǵyn úıdiń irgetasyn qalap, ekinshi qabatyna qurylys-montajdaý jumystaryn júrgizýde.
«Elbasy aıtqandaı, «Nur Otan» – naqty isterdiń partııasy. Sondyqtan osy máseleni baqylaýda ustap, arnaıy kelip, ózderińizben kezdesip otyrmyz. Kórip otyrsyzdar, kompanııa bar, qarajat bólingen, qurylys júrip jatyr. Bul másele partııanyń baqylaýyna alynǵan. Bizben birge qala ákiminiń ózi kelip otyr. «Jumyla kótergen júk jeńil» degen. Bári zań sheńberinde sheshiledi», – dedi Baýyrjan Baıbek.
Jergilikti bıliktiń málimetine qaraǵanda, 5 qabatty turǵyn úıdiń qurylysyna jýyrda bıýdjetti naqtylaý kezinde qajetti qarajat bólinedi. Turǵyn úı jyl sońyna qaraı paıdalanýǵa beriledi.
Budan keıin B. Baıbek qalaǵa bes jyl buryn qalaǵa qosylǵan «Tasken» yqshamaýdanyna bardy. Munda 2 myńǵa jýyq úı men birqatar áleýmettik nysan elektr energııasynyń ara-tura óshýinen qıyndyq kórip otyr.
«Shaǵynaýdanda tıisti jumystar júrgizilýde. 2000 úı degen - úlken sharýa. Gaz sheshilýde, sý sheshilip jatyr. Qalǵan máseleler de retimen sheshiledi. Qyrkúıek aıyna deıin jergilikti monopolıst «Ońtústik Jaryq Tranzıt» 270 mıllıon teńgege 39 km jańa jeli tartýdy jáne 9 transformator ornatýdy josparlap otyr. Tarıfterdiń ashyqtyǵy men kommýnaldyq qyzmetterdiń sapasyn qamtamasyz etý maqsatynda «Nur Otan» bastamashylyq etken «Aıqyn tarıf» jobasynyń aıasynda biz bul máseleni partııalyq jáne qoǵamdyq baqylaýda ustaımyz, - dedi Baýyrjan Baıbek.
Kezdesý kezinde turǵyndar basqa da túıitkelderdi, sonyń ishinde shaǵynaýdandaǵy joldardyń sapasyna qatysty máselelerdi ortaǵa saldy. Jergilikti bıliktiń aıtýynsha, kóktemde osyndaǵy birneshe kósheni jóndeý jumystary bastalady.
Sonymen qatar «Nur Otan» partııasy Tóraǵasynyń Birinshi orynbasary jumys sapary barysynda Shymkent qalasynyń belsendi turǵyndarymen, zııaly qaýymmen, jastarmen jáne úkimettik emes uıym ókilderimen birneshe kezdesý uıymdastyryp, ózekti máselelerdi birlese talqylady. Olardyń qatarynda qalanyń damýy, ınjenerlik jáne jol ınfraqurylymy, densaýlyq saqtaý jáne mádenı-áleýmettik jaǵdaıy, ıdeologııa salasy, rýhanııat jaıy bar. Baýyrjan Baıbek jurtshylyq kóterip otyrǵan máselelerdiń barlyǵy ázirlenip jatqan qalany damytýdyń 5 jyldyq baǵdarlamasyna enetinin atap ótti.
Basqosýda zııalylar men el aǵalary da óz saýaldaryn qoıyp, oılaryn ortaǵa saldy. Ásirese, elde ıdeologııalyq jumystardy jolǵa qoıý, telearnalardy arzanqol, tatymsyz habarlardan aryltyp, paıdaly aqparatpen toltyrý, medıtsına qyzmetkerleriniń mártebesin kóterý, tótenshe jaǵdaı, jol polıtsııasy jáne basqa da sala qyzmetkerlerine alǵashqy medıtsınalyq kómek kórsetý tásilderin úıretý sekildi usynystar berildi.
«Elbasy-partııa Tóraǵasynyń tapsyrmasy boıynsha, biz barlyq óńirlerdegi osyndaı «álsiz tustardy» ortalyq jáne jergilikti atqarýshy organdarmen birlesip júıeli sheshý úshin anyqtaımyz. Bul máselede halyq belsendilik tanytady dep úmittenemiz. Biz birge, dıalog jáne ózara senim arqyly ǵana el Prezıdenti usynǵan «Halyq únine qulaq asatyn memleket» tujyrymdamasyn iske asyra alamyz», – dedi B. Baıbek.
Eske sala keteıik, Elbasy tapsyrmasy boıynsha «Nur Otan» partııasy birneshe aıdan beri Úkimetpen jáne óńirlik fılıaldarmen birlese otyryp, aldaǵy 5 jylǵa aýdandardy, qalalardy jáne oblystardy damytýdyń jańa baǵdarlamasyn ázirleý jumystaryn júrgizip jatyr. Atalǵan baǵdarlamalarda árbir jekelegen óńirdiń jergilikti erekshelikteri eskerilip, azamattardyń naqty qajettilikteri kórinis tabatyn bolady. Osy jumystardyń aıasynda «Nur Otan» partııasynyń basshylyǵy elimizdiń barlyq óńirin, tipti shalǵaı eldi mekenderine deıin aralap shyǵady. Búgingi sharalar bite salysymen Baýyrjan Baıbek Túrkistan oblysyna jumys saparymen jol tartty.
