Baýyrjan Baıbek jol jóndep jatqan merdigerlik uıymdarǵa naqty tapsyrmalaryn berdi

ALMATY. QazAqparat - Almaty  ákimi Baýyrjan Baıbek qalanyń ınjenerlik jáne kólik ınfraqurylymyn qaıta jasaý jumystaryn teskerdi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp. 

Almaty ákimi Baýyrjan Baıbek jumys sapary aıasynda jaıaý júrginshige basymdyq beretin Qabanbaı batyr, Panfılov, Jibek joly, Gogol kósheleri men «Astana» alańyn, sonymen qatar qalanyń ınjenerlik jáne kólik ınfraqurylymyn qaıta jasaý men abattandyrýdyń barysyn teskerdi.

Qala ákimine Abaı dańǵyly boıyndaǵy Esentaı ózeni  arqyly ótetin kópirde eki baǵyt boıynsha kólik qozǵalysyn ashý 25  qyrkúıekke josparlanǵany baıandaldy. Qazirgi kezde munda kópirdiń soltústik bóligindegi jumys aıaqtalǵan. Jobada kópir astyna da ótpeli jol salý  qarastyrylǵan.

Baýyrjan Baıbek jaqyn ornalasqan aýmaqty  aralap shyqqan soń Jolaýshylar kóligi jáne avtomobıl joldary basqarmasyna Abaı dańǵylynyń ońtústik jaǵyndaǵy «Dostyq» sport kesheni aldyna qoıylǵan  kólikterdi bir apta  ishinde retke keltirýdi jáne jaıaý júrginshige jaıly bolý úshin trotýarlardy jasyl jolaqpen qamtýdy  tapsyrdy. Jalpy, bıyl qalada 26 shaqyrym  trotýar jóndeldi.

Jumys sapary aıasynda megapolıs bashysy júrginshige basym beretin Qabanbaı batyr, Panfılov, Jibek joly, Gogol kósheleri men «Astana» alańynyń qaıta jasaý barysyn tekserdi. Al jasyl jelek otyrǵyzý kúzde bastalady, jalpy, 330 myńnan astam sharshy metr aýmaq abattandyrylady.

Almaty  ákimi jylý jelilerin qaıta jasaý jumystaryn da tekserdi jáne merdigerlik uıymdarǵa jóndeý jumystary aıaqtalǵan soń aýmaqty talapqa saı abattandyrýdy tapsyrdy.

Jalpy, bıyl Almatyda 317 shaqyrym sý jáne 265 shaqyrym  káriz jelilerin  qaıta jasaýǵa jáne jóndeýge qarjy bólingen.

284 shaqyrym jańa sý jelilerin iske qosý 175 myńnan astam turǵyny bar 35 myń úıdi ortalyq júıege qosady.