Baýyrjan Baıbek jańǵyrtylǵan «Kók bazardy» aralap kórdi
ALMATY. QazAqparat - Almaty ákimi Baýyrjan Baıbek jańǵyrtý jumystarynan keıin qaıtadan ashylǵan «Kók bazar» saýda ortalyǵyn aralap kórdi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
«Kók bazar» saýda oryndaryn jańǵyrtý baǵdarlamasy aıasynda qaıta túrlenip, 2017 jyldyń aqpan aıynda paıdalanýǵa berilgen. Pavılon aýmaǵy 20 myń sharshy metr, onyń 10 myń sharshy metrinde saýda oryndary ornalassa, jarty alańda ekiqabatty 400 kólikke arnalǵan parkıng bar.
Joba quny shamamen 2,5 mlrd teńge bolyp, 500 jumys orny ashyldy.
Sonymen qatar, búgin Baýyrjan Baıbek «Mizam» jańa formattaǵy tuńǵysh kóterme-taratý ortalyǵynyń jumysymen tanysty.
«Mizam» saýda ortalyǵynyń bas dırektory Dosmuhan Kerimbaevtyń aıtýynsha, olardyń júzege asyryp otyrǵan jobalary álemge tanymal frantsııalyq «Ranjıs» bazarynyń tájirıbesi boıynsha jasalǵan.
«Bul joba - memlekettik-jekeshelik áriptestiktiń naǵyz jarqyn úlgisi. Almatynyń qala qurylysy boıynsha keńesi aldynda osy jobany tanystyrǵanda bizde tómen baǵa bolady dep ýáde bergenbiz, biz sol aıtqan sózimizde turmyz», - dedi Dosmuhan Kerimbaev.
Aıta keteıik, «Mizam» jobasynyń basty tujyrymdamasy boıynsha ortalyq tek tikeleı jetkizýshimen ǵana jumys jasaıdy. Joba memlekettik-jekeshelik áriptestik aıasynda tolǵymen jeke ınvestordyń qarjysyna salyndy. Joba quny 3,1 mlrd teńge, ortalyqta 2000 jumys orny ashyldy.
