Baýyrjan Baıbek ushaq apatynda qaza bolǵandardyń otbasyna kóńil aıtty
ALMATY. QazAqparat - Almaty əkimi Baýyrjan Baıbek usha q apatynda qaza bolǵandardyń otbasyna kóńil aıtty, dep habarlaıdy QazAqparat tilshisi.
«Qala bıliginiń atynan bilikti dərigerler Talǵat Patsaev pen Jənibek Artyqbaevtyń, barlyq ekıpaj músheleriniń qazasyna qaıǵyryp kóńil aıtamyn. Bul tek qana bir otbasynyń ǵana emes, barlyq medıtsına qaýymdastyǵy úshin orny tolmas ókinish», - dep habarlady qalalyq əkimdiktiń baspasóz qyzmeti megapolıs basshysynyń sózin keltire otyryp.
Sonymen qatar, əkim densaýlyq saqtaý basqarmasyna qaıǵy jutqan otbasynyń múshelerine barynsha kómek berýdi tapsyrdy.
Eske salaıyq, 3 qazan kúni Almaty-Shymkent baǵytynda sanıtarlyq avıareısin oryndaǵan «An-28» ushaǵy saǵat 18:47-de Almatydan 28 shaqyrym qashyqtyqta radardan joǵalyp ketti. Saǵat 19.15-te ushaq Almaty oblysy Іle aýdanynyń Mejdýrechınsk aýyly mańynda apatqa ushyrap, órtengeni habarlandy. Bortta bolǵan 5 adam qaza tapty.
