Baýyrjan Baıbek stýdentterdiń ınnovatsııalyq jobalaryn qoldaýǵa shaqyrdy
Almaty ákimi Baýyrjan Baıbek ýnıversıtettiń tehnoparki men «jasyl tehnologııa» ortalyǵynda bolyp, ál-Farabı atyndaǵy QazUÝ-daǵy ınnovatsııalyq jobalarmen tanysty. Mundaǵy jobalardyń basym bóligi Astanada ótken «EKSPO-2017» halyqaralyq mamandandyrylǵan kórmede alǵash ret kórsetilgen bolatyn.
Ulttyq ýnıversıtet aýmaǵynda jel, kún, geotermal, bıogaz, sýtegi jáne gıdro energııalardy alý úshin eksperımentaldy alańdar jasalǵan. Sonyń arqasynda stýdentter energııanyń balamaly túrin alý joldarymen praktıka júzinde tanysýda. Megapolıs basshysyna «jasyl tehnologııa» ortalyǵyndaǵy energııa tıimdiligin júzege asyrǵan jylyjaıda agrotehnıkanyń zamanaýı tásilderi arqyly jemis-kókónisti vırýssyz ósirýdiń ádisteri kórsetildi. Ál-Farabı atyndaǵy QazUÝ-dyń rektory Ǵalym Mutanov JOO mańyndaǵy kampýsta ekologııalyq turaqty jáne jaıly «jasyl keńistiktiń» paıda bolǵanyn aıtty.
«Kereńqulaq» ózeniniń jaǵalaýyn abattandyrý jumystary aıaqtalyp qaldy ári munda sý tazartatyn júıe de bar. Ózen sýy «Akvaponıka» jasandy ekojúıede qoldanylady. Bul aımaq stýdentter men qala turǵyndary úshin jaıly demalys ornyna aınalady. ıAǵnı, atalǵan aýmaq stýdentter úshin praktıkalyq baza bolyp, baǵaly balyqtar men dekoratıvti ósimdikter ósiriledi», - dedi Ǵ. Mutanov.
Almaty ákimi «EKSPO-2017» ótkizýge yqpal etken ǵylym men ınnovatsııalyq jobalardy damytý men engizýge memleket tarapynan qoldaý kórsetilip jatqanyn atap ótti. Qazirgi kezde Almatyda jas startaperlerge jáne olardyń jobalaryn kommertsııalandyrýǵa erekshe nazar aýdarylýda.
Ýnıversıtetti aralap shyqqan Baýyrjan Baıbek ákimdik tıisti basqarmalaryna ál-Farabı atyndaǵy QazUÝ-daǵy qyzyq jobalardy zertteýdi ári tıimdi qoldanýdy tapsyrdy.
Sonyń ishinde, ákim jylý elektrstansalarynyń ekologııalyq-ekonomıkalyq kórsetkishin arttyratyn plazmaly jylý júıesi, TQQ ýtılızatsııalaý jáne qurylys pen óndiriste paıdalanylatyn polıefırli shaıyr óndirisi jobalary tıimdi ekenine nazar aýdartty.
