Baýyrjan Baıbek óz otbasyna taǵylǵan aıypqa qatysty pikir bildirdi
ASTANA. QazAqparat - Búgin Ortalyq kommýnıkatsııalar qyzmetindegi brıfıngte Almaty ákimi Baýyrjan Baıbek qaladaǵy kólik turaqtaryn otbasy músheleri ıelik etedi deıtinderge jaýap berdi, dep habarlaıdy QazAqparat tilshisi.
«Meniń otbasym turaqtarǵa ıelik etedi degen ósek taratty. Menińshe, muny zańdy jumys istegisi kelmeıtinder, laı sýdan balyq aýlaýdy qalaıtyndar shyǵaryp júr. Osy arqyly bireýlerdiń ákimdikke qysym kórsetýge úmittenetindigi, onsyz da kúrdeli bolǵanymen asa qajetti kólik reformasyn júrgizdirmeýdi qalaıtyndyǵy anyq», - dedi Almaty ákimi.
Onyń atap ótýinshe, kólikterdi qala ortasynan yǵystyryp shyǵarý máselesi ótkir tur. Sebebi qalanyń ekologııalyq ahýaly kúrdelene túsýde.
«Búginde qalanyń atmosferasyna tastalatyn qaldyqtardyń 70 paıyzy kólikten bólinedi. ıAǵnı, ákim retinde men 10 sharanyń 7-eýin kólikke baǵyttaımyn. Sebebi zııandy qaldyqtardyń 70 paıyzy solarǵa tıesili. Bul ekologııaǵa, balalarymyzdyń, ata-analarymyzdyń densaýlyǵyna qatysty máseleler», - dedi Baýyrjan Baıbek.
