Baýyrjan Baıbek múmkindigi shekteýli balalardyń qolynan shyqqan buıymdy satyp aldy
ALMATY. QazAqparat - Almaty ákimi kishkentaı almatylyqtardy merekesimen quttyqtady.
Búgin Respýblıka saraıynda XII respýblıkalyq «Juldyzaı» baıqaýynyń gala kontserti, ortalyq alańda talantty balalar sherýi ótti.
Almaty ákimi Baýyrjan Baıbek qaladaǵy túzetý mektepteriniń oqýshylary ázirlegen jumystarymen tanysty.
Baýyrjan Baıbek balalar shyǵarmashylyǵyn joǵary baǵalap, aqyl-esi kemis balalarǵa arnalǵan №7 mektep ınternatynyń oqýshylary jasaǵan trıptıhti satyp aldy.
Kıizden jasalǵan «EKSPO-2017 balalardyń kózimen» qolóner buıymyn órnektep tigýge balalar 3 aı ýaqytyn sarp etken.
«Kórmedegi jumystardyń barlyǵy joǵary deńgeıde jasalǵan. Balalardyń jumysynan mahabbat, ómirge degen qulshynys seziledi», - dedi B.Baıbek.
Qala basshysy «Almaty-2020» baǵdarlamasy aıasynda 2016 jyly múmkindigi shekteýli balalardy ómirge beıimdeý maqsatynda 3 psıhologııalyq kabınet jasaqtalǵanyn atap ótti. Búginde qalada 11 kabınet jumys jasap otyr.
Bıyl qala bıýdjetinen qarastyrylǵan qarjyǵa 6 balabaqsha qurylysyna, 2 mektep pen 6 bilim oshaǵyna qosymsha nysan salynady. 28 nysanda seısmokúsheıtý jumystary júrgiziledi.
Sondaı-aq, balalardy saýyqtyrýǵa 190 mln teńge bólingen. 1 maýsymnan bastap 771 lagerde 100 myń bala demalatyn bolady.
