Baýyrjan Baıbek mektep bitirýshilerge sáttilik tiledi
ALMATY. QazAqparat - Almaty ákimi Baýyrjan Baıbek 7804 túlekke aq jol tiledi. Qala basshysy búgin Alataý aýdanyndaǵy № 169 mektepte sońǵy qońyraý jınalysyna qatysty, dep habarlaıdy QazAqparat.
Aıta ketý kerek, bilim berý nysanyn 2007 jyly Memleket basshysy Nursultan Nazarbaev ashqan bolatyn. 
Jıynda qala ákimi Baýyrjan Baıbek sońǵy 5 jylda Alataý aýdanynda 5 mektep salynǵanyn atap ótti.
«Qalada tegin ári sapaly bilim alýǵa bar jaǵdaı jasalǵan. Elbasy Nursultan Nazarbaev elimizde adam kapıtalynyń úlken mańyzy baryn jıi aıtady. Sondyqtan, bilim salasyna qarjy bólýge basymdyq berilgen. Bıyl Almaty mektepteriniń kópshiligi lıngofon kabınetterimen jasaqtaldy. Fızıka, hımııa, bıologııa kabınetteri qajetti quraldarmen jabdyqtalatyn bolady. Sondyqtan, emtıhan tapsyratyn balalarǵa sáttilik tileımin», - dedi Baıbek.
Shahar basshysy bilim berýmen qatar oqýshylardyń belsendi demalýyna da jaǵdaı jasaý kerektigin atap ótti.
Aıta ketý kerek, bıyl Almatyda 7804 oqýshy mektep bitirdi.
