Baýyrjan Baıbek kópbalaly otbasylarǵa baspana kiltin tapsyrdy

JETІSAI. QazAqparat – Búgin Túrkistan oblysy Jetisaı aýdanynda kópbalaly otbasylar baspanaly boldy. «NurOtan» partııasy Tóraǵasynyń birinshi orynbasary Baýyrjan Baıbek turmysy tómen eki januıaǵa jańa turǵyn úıdiń kiltin tapsyrdy, dep habarlaıdy QazAqparat tilshisi.

Aýdandaǵy ıgi sharaǵa qatysqan partııasy Tóraǵasynyń birinshi orynbasary Qazybek bı aýyldyq okrýginen az qamtamasyz etilgen kópbalaly otbasylarǵa baspana salýǵa atsalysqan azamattarǵa alǵysyn bildirdi.

«Áleýmettik kómekti qajet etetin otbasylarǵa qoldaý bildirip, baspana salýda úles qosqan barshańyzǵa shynaıy alǵysymdy bildiremin. Biz qınalǵan qandasymyzǵa qolushyn sozyp, súrinse demeý bolǵan halyqpyz. Tárbıemiz solaı. Atanyń qanymen, ananyń sútimen boıymyzǵa daryǵan bul qasıetimiz eshqashan joǵalmaq emes», - dedi Baýyrjan Baıbek.

Aıta keteıik, búgin Jetisaı aýdanyna jumys saparymen kelgen «NurOtan» partııasy Tóraǵasynyń birinshi orynbasary Baýyrjan Baıbek Abaı aýyldyq okrýginde sharýalarmen kezdesken bolatyn. Olarmen erkin formatta áńgimelesken partııasy tóraǵasynyń birinshi orynbasary sharýalardyń suraqtaryna jaýap berdi. Jetisaı qalasynda boı kótergen zamanaýı emhanada da bolyp, dárigerlerimen de júzdesti.