Baýyrjan Baıbek Italııanyń ekonomıkalyq damý vıtse-mınıstrimen kezdesti
ALMATY. QazAqparat - Almaty ákimi Baýyrjan Baıbek Italııanyń ekonomıkalyq damý vıtse-mınıstrimen kezdesti, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
Almaty ákimi Baýyrjan Baıbek Italııanyń ekonomıkalyq damý vıtse-mınıstri Ivan Skalfarotto bastaǵan ıtalıandyq delegatsııamen kezdesti. Kezdesý barysynda saýda-ekonomıkalyq baılanystardy nyǵaıtý msáeleleri sóz boldy. Nátıjesinde barynsha tartymdy jobalardy ınvestıtsııalaý úshin short-paraq jasalatyn bolady.
Italııanyń ekonomıkalyq damý vıtse-mınıstri turmystyq qatty qaldyqtardy qaıta óńdeý, TÚKSh jańartý, qurylys jáne «Smart-sıtı» jobasy aıasynda atqarylatyn túrli baǵdarlamalarǵa ıtalııalyq kompanııalardyń qyzyǵýshylyq tanytqandyǵyn atap ótti.
Almaty ákimi ıtalııalyq kompanııalardyń mashına jasaý, energııa kózderin paıdalaný, jeńil jáne tamaq ónerkásibine qajet qondyrǵylar shyǵarý salasynda mol tájirıbesi bar ekenin, Almatyda jeke óndiris oryndaryn ashý úshin sheteldik kompanııalarǵa «bir tereze» prıntsıpi boıynsha qoldaý kórsetiletinin aıtty.
Kezdesý barysynda Baýyrjan Baıbek qonaqtardy qazan aıynda ótetin «Almaty Invest» halyqaralyq forýmyna qatysýǵa shaqyrdy.
