Baýyrjan Baıbek: El Prezıdentiniń janyna toptasa otyryp, birligimizdi kórsetetin kez keldi
«Qurmetti dostar! Osynaý kúrdeli kezeńde óz jaqyndary men týystarynan aırylǵan barsha janǵa qaıǵylaryna ortaqtasyp, kóńil aıtamyn. Ókinishke qaraı, álemniń kóptegen elderimen qatar Qazaqstan da COVID-19 aýrýy jyldam taralyp otyrǵan memleketter tizimine endi. ⠀
Qalyptasqan ahýaldy eskerip, keshe Memleket basshysy Qasym-Jomart Toqaev koronavırýspen kúres sharalaryn kúsheıtý týraly málimdedi. Olardyń qatarynda laboratorııalardy jete jaraqtandyrý, tósek-oryndar men PTsR testiler sanyn arttyrý sharalary qamtylǵan. Osy qıyn jaǵdaıdy paıdalanyp, paıdaǵa kenelip qalǵysy keletinderge qatysty qatań sharalar qabyldanady. Bul osyndaı kúrdeli kezeń ishinde el arasynda úreı týǵyzyp, áleýmettik alaýyzdyqty qozdyrýshylarǵa qatysty bolmaq», - dep jazdy Baýyrjan Baıbek Facebook-tegi paraqshasynda.
Onyń aıtýynsha, jalpy dári-dármek, ókpeni jasandy jeldetý apparatyn satyp alýǵa, medıtsına qyzmetkerlerin yntalandyrýǵa jáne basqa da shuǵyl sharalarǵa keminde 150 mlrd teńge baǵyttalady. Endigi másele – osy sharalardyń atqarýshy organdar tarapynan ortalyqta jáne óńirlerde tıimdi iske asyrylýy.
«El Prezıdenti jarııalaǵan sharalardy qoldaı otyryp, biz #BizBirgemiz respýblıkalyq aktsııasy aıasynda qarqyndy jumys júrgizýdi jalǵastyramyz.
Elbasy, partııa Lıderi Nursultan Nazarbaevtyń tapsyrmasymen óńirlik fılıaldardyń jumysy muqtaj azamattarǵa ataýly kómek kórsetýge baǵdarlandy. Qoǵamdyq qabyldaýlar onlaın rejımde qyzý jumys júrgizýde.⠀
Elbasynyń bastamasymen sońǵy 3 aıda 550 myńnan astam asa muqtaj otbasyǵa, ıaǵnı otbasylyq koefıtsıentin eskergende 2 mıllıondaı adamǵa ataýly qarjylyq kómek kórsetildi. Taǵy 300 myńdaı otbasy azyq-túlik sebetterimen jáne qajetti taýarlarmen qamtamasyz etildi. Sondaı-aq 100 myń otbasyǵa 5 mıllıon maska taratyldy. Osynaý aýqymdy jumysqa «Jas Otan»-nyń 5 myńnan astam volonteri atsalysty», - dedi Baýyrjan Baıbek.
Onyń aıtýynsha, el Prezıdentiniń janyna toptasa otyryp, birligimizdi kórsetetin kez kelgen.
«Memleket basshysy úndeýinde atap kórsetkendeı, qazirgi kezde qazaqstandyqtardyń halqymyzdyń basyna túsken synaqqa barynsha sabyrlyq, tózimdilik pen jaýapkershilik tanytýy mańyzdy. El Prezıdentiniń janyna toptasa otyryp, birligimizdi kórsetetin kez, osy. Tek judyryqtaı jumyla otyryp qana bul qaterdi eńseremiz. ⠀
«Nur Otan» partııasy óziniń búkil resýrsyn Memleket basshysynyń tapsyrmalaryna qoǵamdyq jáne partııalyq baqylaýdy qamtamasyz etýge jumyldyrady», - dedi Baýyrjan Baıbek.
