Baýyrjan Baıbek áıelderdi partııanyń praımerızine qatysýǵa shaqyrdy

ALMATY. QazAqparat - «Nur Otan» partııasy Tóraǵasynyń birinshi orynbasary Baýyrjan Baıbek qazaqstandyq qyz-kelinshekterdi Halyqaralyq áıelder kúnimen quttyqtap, olardy Nursultan Nazarbaevtyń tapsyrmasy boıynsha partııalyq praımerızge qatysýǵa shaqyrdy, dep habarlaıdy QazAqparat tilshisi.

«Ardaqty analar, aıaýly arýlar! Sizderdi kóktem jarshysyndaı bolǵan shuǵylaly mereke – Halyqaralyq áıelder kúnimen shyn júrekten quttyqtaımyn!⠀

Tal boılaryńyzǵa ásemdik pen ádemilikti, izgilik pen jylylyqty, meıirim men mahabbatty, aqyl men parasatty toǵystyryp, tóńirekterińizdi tańǵajaıyp araıǵa bólep júrgen Sizder qandaı qurmetke bolsyn laıyqsyzdar. Asyl jar, abzal ana retinde árdaıym barsha berekeniń bastaýy, birliktiń uıytqysy, tynyshtyqtyń shyraqshysy bolyp kelesizder», - dep jazdy partııanyń birinshi orynbasary Facebook-tegi paraqshasynda.

Baýyrjan Baıbek sondaı-aq otbasymen qatar Otanymyzdyń da gúldenýine óz úlesin qosyp, eren eńbegimen, erekshe darynymen el qurmetine ıe bolǵan áıelder de jetkilikti ekenin aıtyp ótti.

«Sondyqtan bizdiń partııamyzdyń kóshbasshysy, Elbasy Nursultan Nazarbaevtyń bastamasymen «Nur Otan» aldaǵy saılaýda Májilis pen barlyq deńgeıdegi máslıhattarda ózderiniń partııalyq tizimderi arqyly kem degende 30% áıelderdiń kandıdatýrasyn usynylýyn josparlap otyr. Ol úshin osy jyldyń sáýir-mamyr alarynda partııaishilik saılaý-praımerız ótkizemiz. El taǵdyryna beı-jaı qaramasańyz, onda «Nur Otan» partııasynyńesigi qashan da ashyq!» - dedi ol.