Baýyrjan Baıbek: Arystaǵy oqıǵa eshkimdi beı-jaı qaldyrmady

ALMATY. QazAqparat - Almaty ákimi Baýyrjan Baıbek Arysta bolǵan jarylysqa baılanysty pikir bildirdi, dep habarlaıdy QazAqparat tilshisi.

«Arystaǵy qaıǵyly oqıǵa eshkimdi beı-jaı qaldyrmady. Barlyq almatylyqtardyń atynan qaza bolǵandardyń otbasylaryna kóńil aıtamyn, zardap shekkenderdiń tezirek saýyǵyp ketýin tileımin», - dep jazdy qala ákimi instagram paraqshasynda.

Qala basshysy Túrkistan oblysy ákimi Ómirzaq Shúkeevpen sóıleskenin aıtty.

«Negizgi problemalardy talqyladyq. Kóbine úılerdiń terezesi synyp, qasbetter buzylǵan, shatyrlar opyrylǵan. Memleket basshysynyń tapsyrmasymen birqatar shara qabyldadyq. Qalanyń kásipkerleri de ún qosty. Qazir qajetti qurylys materıaldary jınalyp jatyr. (shatyr, shtýkatýrka qospasy, emýlsııa, pılomaterıal, tereze, esik, qurylys zattrary jınastyrylýda», - dedi ol.