Baýyrjan Baıbek Arys halqymen kezdesti

ARYS. QazAqparat - Nur Otan partııasy tóraǵasynyń birinshi orynbasary Baýyrjan Baıbek Arys qalasyna issaparmen bardy. Bul týraly ol Instagram paraqshasynda jazdy, dep habarlaıdy QazAqparat tilshisi.

Jumys sapary aıasynda ol apattan búlingen úıler men áleýmettik nysandardy qalpyna keltirý jumystarymen tanysyp, turǵyndarmen júzdesken.

«Úıine zaqym kelgen turǵyndarmen kezdesýde memleket tarapynan barlyq kómek kórsetiletinin, eshkim de nazardan tys qalmaıtynyn aıttym. Elbasy men Prezıdent tapsyrmalary boıynsha naqty sharalar jasalyp jatqanyn kózben kórdim», - dep jazdy Baýyrjan Baıbek.

Nur Otan ókiliniń jazbasyna súıensek, Arysta búginde 100 qurylys kompanııasynyń 1500-den astam qyzmetkeri jóndeý jumysyna tartylǵan. Búlingen úılerdiń barlyǵyn 1 tamyzǵa deıin qoldanysqa berý josparlanyp otyr. Osy jumystyń bárin «Nur Otan» partııasy baqylaýyna alyp, kún saıyn jasalǵan jumystar týraly aqparat berip otyrady.

«Qazaqstan jastary men jasotandyqtarǵa da alǵys aıtqym keledi. Olar apat bolǵan kúnnen bastap erikti retinde zardap shekkenderge kómektesip júr. Bul - naǵyz otanshyldyq pen erliktiń jarqyn mysaly». Arys, biz birgemiz», - dep jazdy ol óziniń paraqshasynda.