Baýyrjan Baıbek almatylyq polıtseılerge: «Vıdeotirkeýishti óshirdiń be - jumystan kete ber»
ASTANA. QazAqparat - Almaty qalasynyń ákimi Baýyrjan Baıbek vıdeotirkeýishti óshiretin polıtsııa qyzmetkerleri jumystan bosatylatynyn málim etti, dep habarlaıdy «QazAqparat» HAA tilshisi.
«Árbir quqyq qorǵaýshyda vıdeotirkeýish bar. Eger polıtsııa qyzmetkeri vıdeotirkeýishti óshirip tastasa, biz ony birden jumystan bosatý kerek degen oıdamyz. Keıbireýleri qýaty bitti, synyp qaldy degendeı ýáj keltirip, vıdeotirkeýishti óshirý arqyly para alýy múmkin. Sondyqtan biz: «vıdeotirkeýishti óshirdiń be - bul jemqorlyqqa ashylǵan jol, ótinish jaz da, kete ber» dedik. Tek osylaı ǵana biz jemqorlyqpen kúresetin bolamyz. Sondyqtan biz almatylyqtarǵa «sizdi polıtsııa qyzmetkeri toqtatsa, vıdeotirkeýishti qosýdy talap etińizder» deımiz», - deıdi Baýyrjan Baıbek.
Ákimniń sózine qaraǵanda, qala kóshelerinde, aýlalarda, oıyn-saýyq ortalyqtarynda 100 myńǵa jýyq kamera ornatylǵan. Sońǵy 2 jylda Almatyda ІІD-niń tehnıkalyq qurylǵymen qamtamasyz etilýi 23-ten 87 paıyzǵa deıin artqan.
