Baýyrjan Baıbek Almatydaǵy birqatar nysandardyń jańǵyrtý jumystarymen tanysty
ALMATY. QazAqparat-Almaty ákimi Baýyrjan Baıbek jumys sapary kezinde Tóle bı kóshesi boıyn aralap, «Saıran» avtovokzaly men «Tastaq» bazaryn rekonstrýktsııalaý jumystarymen tanysty, dep habarlaıdy QazAqparat.
«Saıran» avtovokzalynyń menshik ıesi qala basshysyna nysan aınalasyn damytýdyń aldyn - ala jasalǵan kontseptsııasyn kórsetti.
Atalmysh qujatqa sáıkes, avtovokzaldyń kólik logıstıkasyn túgel jańartý qarastyrylyp otyr. Sondaı-aq vokzal janynda sýburqaq, dámhana sııaqty nysandar bolady, aımaqty tolyqtaı abattandyrý kózdelgen.
Megapolıs basshysy avtovokzal mańy kópshilikti ózine tartatyn shaǵyn aýdan bolýy tıis ekendigin atap ótti. Munda qazirdiń ózinde zańsyz salynǵan qurylystar alynyp, nysannyń syrty jańartylýda.
«Saırandy» tez arada qaıta jasap, onyń aınalasyn abattandyrǵan jón. Bizdiń bul jerdi qashan retke keltiretinimizdi avtovokzal jolaýshylary ǵana emes, sonymen qatar jaqyn mańdaǵy úılerdiń turǵyndary da asyǵa kútýde», - dedi Baýyrjan Baıbek.
Jumys sapary kezinde qala ákimi Tóle bı kóshesi boıymen júrip ótip, qaıta jańǵyrtylap jatqan «Tastaq» ámbebep bazaryn qarap shyqty.
Saýdany zamanaýı júıege saı júzege asyrý úshin bazar ıeleri 450 mln. teńge ınvestıtsııa bólgen. Oǵan ekiqabatty, jalpy alańy 4,2 myń sharshy metr bolatyn nysan salynǵan. Shilde aıynda kásipkerlerdiń basym kópshiligi osynda kóshirilmek. Osydan keıin bazardyń ekinshi bóligi rekonstrýktsııalanady.
Sondaı-aq qala ákimi Abaı dańǵyly boıynda salynyp jatqan «Almatybasjospar» nysanynyń qurylysymen jáne Respýblıka alańyn rekonstrýktsııalaý jumystarymen tanysty.
Aıta ketý kerek, Almatyda bıyl qalanyń birqatar negizgi dańǵyldary jańarady. Megapolıstiń barlyq aýdandarynda 150-den astam kósheni jóndeý jáne 600 aýlany qaıta jańartý josparlanǵan.
Araılym Joldasbaeva
