Baýyrjan Baıbek Almatyda arzan qonaqúıler salynatynyn aıtty
ASTANA. QazAqparat - OKQ-da baspasóz máslıhatyn ótkizgen Almaty qalasynyń ákimi Baýyrjan Baıbek Almaty qalasynda arzan qonaqúıler salynatynyn málim etti, dep habarlaıdy «QazAqparat» HAA tilshisi.
«Qaǵanatqa» mysaly... Tekserińiz. Kórińiz. Bizde óte kóp dónerler bar (...) Qymbat emes. Dámhanalar da jeterlik. Mysaly, eki jyl buryn men kelgen kezde besjuldyzdy qonaqúıler kóp bolǵanymen, Almatyda bar-joǵy 13 hostel ǵana bolǵan. Men ózim de sheteldik bir týrıstiń 57 myń teńgege demalyp ketkenin oqyp tań qaldym. Qalaısha tapty? Búgingi kúni Almatyda 80 hostel bar. Grýzııanyń ózinde qazirgi ýaqytta kóptegen jastar rıýkzaktaryn arqalap, eldi aralaı beredi eken. 8-10 adam bir bólmede turady. Tamaqtary tátti. Bári de Eýropanyń standartyna sáıkes. Biz de osyndaı qonaqúılerdi salaıyq dep jatyrmyz», - deıdi Baýyrjan Baıbek.
Qala ákimi osyndaı qonaqúılerdi turǵyzý maqsatynda almatylyq kásipkerler Grýzııaǵa baryp, tájirıbe alyp kelgenin atap ótti.
«Mysaly, sheteldik týrıster jazda Almatyda palatkada uıyqtap, qalany aralap júredi. Bizde arzan baǵada tamaqtanýǵa bolady. Álbette, ol 500 teńgeniń ishine ishimdik kirmeýi múmkin. Úsh-tórt mázir emes. Tamaqtanýǵa ábden bolady», - deıdi Baýyrjan Baıbek.
