Baýyrjan Baıbek: «Almaty arena» álemdik iri stadıondar analogy bolýy kerek
ALMATY. QazAqparat - «Almaty arena» aýqymdy is sharalar ótkizetin orynǵa aınalýy tıis, dedi Almaty ákimi Baýyrjan Baıbek «Ýnıversıada-2017» sport dodasyna daıyndyqty pysyqtaýǵa arnalǵan jıynda, dep habarlaıdy QazAqparat tilshisi.
Búgin Almatyda Ýnıversıadaǵa daıyndyq jóninde vıtse-premer Imanǵalı Tasmaǵambetovtyń qatysýymen ótken jıynda Almaty ákimi Baýyrjan Baıbek qazirgi ýaqytta dúnıejúzilik sport sharasynan keıingi ǵımarattardy paıdalaný máselesi de basty nazarda ekenin aıtty.
«Almaty arena» Londondaǵy «O2 Arena», Nıý-Iorktaǵy «Yankee», Máskeýdegi «Olımpııskıı» stadıondary sekildi aýqymdy is-sharalar ótkizetin orynǵa aınalýy kerek. Atalǵan sport kesheninde Qazaqstanda alǵashqy kontsert jáne dybys qurylǵylary ornatylǵan, - dedi Baýyrjan Baıbek.
Qala basshysy Almaty qalasynyń 1000 jyldyǵyn atap ótkennen keıin atalǵan ǵımaratta ózge de birqatar sharalar ótkenin aıta ketti.
«10 adam jınalǵan «MuzZone» syılyǵyn tabys etý sharasy ótti. Aldaǵy senbide Qanat Islam men Patrık Alloteıdiń jekpe-jegi ótedi», - dedi ákim.
Eske salsaq, Ýnıversıala-2017 sııaqty buqaralyq sport sharalary «5 ınstıtýtsıonaldyq reformany iske asyrý boıynsha 100 naqty qadam» - Ult josparyn» júzege asyrý aıasynda ótkiziledi.
«100 naqty qadam» Ult josparynyń 88-qadamyn júzege asyrý aıasynda osy is-sharany ótkizý jalpyǵa berdeı eńbek qoǵamynyń ıdeıasyn alǵa jyljytýǵa baǵyttaldy. Osylaısha, 2017 jylǵy Ýnıversıadaǵa qatysatyn, joǵary nátıje kórsetetin qazaqstandyq sportshylar óz jetistikteri arqyly elimizdi sportta jańa halyqaralyq deńgeıge kóteredi.
Eske sala keteıik, Dúnıejúzilik Ýnıversıada Almatyda 2017 jylǵy 29 qańtar men 8 aqpan aralyǵynda ótedi. Búginde 58 memleket sporttyq sharaǵa qatysatynyn rastady.
