«Baýyr» fılmi halyqaralyq kınofestıvalde júldeli boldy
ASTANA. QazAqparat - Serik Aprymovtyń «Baýyr» fılmi Neshvıllde (AQSh) ótken 45-shi halyqaralyq kınofestıvalde «Úzdik fılm» sanaty boıynsha marapatqa ıe boldy, dep habarlaıdy «Qazaqfılm» AQ baspasóz qyzmetinen.
Neshvılldegi halyqaralyq kınofestıval 1969 jyldan beri ótkizilip keledi jáne AQSh-taǵy eń kóne kınofestıvalderdiń biri bolyp sanalady. Jyl saıyn festıvalge álemniń 40-tan elinen 200-ge tarta fılmder kórsetiledi. Bıylǵy jyly fesıvalge 3100-den astam ótinim kelip túsken eken. Jalpy 100 myńnan astam adam qatysqan.
Esterińizge sala keteıik, «Baýyr» fılmi eń alǵash 70-shi halyqaralyq Venetsııa kınofestıvaliniń «Kókjıekter» baǵdarlamasynda kórsetilgen bolatyn. Atalmysh kınofestıvalden keıin «Baýyr» fılmi IX halyqaralyq «Eýrazııa» kınofestıvaliniń negizgi baıqaýyna qatysyp, eki birdeı júldege - «Úzdik rejısser» jáne NETPAK júldelerine qol jetkizdi. Sonymen qatar, «Baýyr» fılmi Avstrııada ótken halyqaralyq «Viennale» kınofestıvaline qatysty.
