Baým baǵynan basyp alynǵan jerler qalaǵa qaıtaryldy
Maýsymda Almaty ákimi Baýyrjan Baıbek zańǵa sáıkes basyp alynǵan jer telimderin qaıtarýdy jáne ony kógaldandyrýdy tapsyrǵan edi.
Tabıǵı resýrstar jáne tabıǵat paıdalanýdy retteý basqarmasy habarlaǵandaı, dál qazirgi ýaqytta qalanyń eń úlken jáne jasyl aýmaǵyndaǵy barlyq jer ýchaskeleri qalaǵa qaıtaryldy. Osy ýaqyt aralyǵynda Almaty ákimdigi baqta rekonstrýktsııalyq jumystar atqardy.
Budan bólek, qoǵamdyq qaýipsizdikti qamtamasyz etý maqsatynda baqta táýlik boıy jumys isteıtin polıtsııanyń tirek postysy iske kiristi. Sonymen qatar, buryn qulaǵan aǵashtardan jasalǵan eko-stıldegi navıgatsııalyq taqtaıshalar, oryndyqtar qoıyldy. Terek, emen, qaıyń alleıalary úshin aǵash otyrǵyzý josparlanǵan.
Aǵashtardyń ımmýnıtetin kóterý jáne zııankesterden qorǵaý úshin zamanaýı preparattar arqyly jasyl jelekter bıologııalyq óńdeýden ótetin bolady. Tabıǵı aımaqta flora men faýnany keńeıtý mindeti qoıylǵan.
Aıta keterligi, Almaty ákimdigi qaladaǵy zańsyz ıemdenip alǵan terrıtorııalardy qaıtarý baǵytynda jumys jasap jatyr. Sońǵy aıda taǵy da birqatar jer telimi memleket menshigine qaıtaryldy.
Ákimdiktiń qaýlysy boıynsha «Atakent» ortalyǵymen 23 ga jer telimin ýaqytsha jalǵa kelisimi kúshin joıdy. «TURKUAZ GROUP OF COMPANIES» kompanııasy «ıÝjnyı» parki ýchaskesinde turǵyn úı salýdan óz erkimen bas tartty.
Ekinshi deńgeıli banktiń birimen Rozybakıev-Shtraýs-Esqaraev-Radostovets kósheleri aýmaǵyndaǵy jer ýchaskesin memleket menshigine qaıtarý týraly kelisimge qol jetkizildi. Saq qorǵany ornalasqan bul jerge ashyq aspan astyndaǵy Mýzeı salý josparlanǵan.
Sonymen qatar, Almaty ákimdigi qala ıppodromy men "Saıran" avtovokzalyn tarıhı-mádenı mura obektileriniń aldyn ala jasalǵan tizimine engizdi.
Ótken aptada ákim Baýyrjan Baıbek Abaı kóshesi boıyndaǵy Túrksib aýrýhanasynyń burynǵy ǵımaratyn Almaty qalasy tarıhynyń eskertkishteri tizimine engizý máselesin qarastyrýdy tapsyrdy.
