Baýyrjan Syzdyqov TJ vıtse-mınıstri qyzmetinen bosatyldy
ASTANA. KAZINFORM — Qazaqstan Respýblıkasy Úkimetiniń qaýlysymen Baýyrjan Mádıuly Syzdyqov basqa qyzmetke aýysýyna baılanysty tótenshe jaǵdaılar vıtse-mınıstri qyzmetinen bosatyldy.
Baýyrjan Syzdyqov 1973 jyly qazirgi Túrkistan oblysynda dúnıege kelgen.
2000 jyly Qazaq memlekettik medıtsına ýnıversıtetin, 2010 jyly Reseı TJM Azamattyq qorǵaý akademııasyn, 2019 jyly «Sınergııa» Máskeý qarjy-ónerkásip ýnıversıtetin, 2022 jyly Ulttyq qorǵanys ýnıversıtetin bitirgen.
Eńbek jolyn 2001 jyly Ońtústik Qazaqstan oblystyq tótenshe jaǵdaılar basqarmasy tabıǵı jáne tehnogendik tótenshe jaǵdaılardyń aldyn alý, aýmaqty jáne halyqty qorǵaý bóliminiń aǵa ofıtseri bolyp bastaǵan.
2005-2010 jyldary — Ońtústik Qazaqstan oblysy TJD azamattyq qorǵanys basqarmasy aýmaqty jáne halyqty qorǵaý bóliminiń aǵa ofıtseri, bastyǵy.
2010-2012 jyldary — QR TJM Azamattyq qorǵanys departamenti halyqty jáne aýmaqty qorǵaý basqarmasynyń bastyǵy.
2012-2019 jyldary — Aqtóbe oblysy TJD bastyǵynyń orynbasary, bastyǵy.
2019-2020 jyldary — Astana qalasy TJD bastyǵy.
2020 jyldan bastap QR TJM azamattyq qorǵanys jáne áskerı bólimder komıtetiniń tóraǵasy qyzmetin atqardy.
TJM basshysynyń 2023 jylǵy 23 maýsymdaǵy buıryǵymen TJM apparaty basshysynyń mindetterin oryndaý júkteldi.
2023 jyly 11 qyrkúıekte TJ vıtse-mınıstri bolyp taǵaıyndaldy.
