Baýyrjan Rapıkov Týrızm jáne sport vıtse-mınıstri bolyp taǵaıyndaldy

ASTANA. KAZINFORM – QR Úkimetiniń qaýlysymen Baýyrjan Rapıkov týrızm jáne sport vıtse-mınıstri bolyp taǵaıyndaldy. Bul týraly Úkimettiń Baspasóz qyzmeti habarlaıdy.

Baýyrjan Serikbaıuly 1986 jyly Qaraǵandy oblysynda dúnıege kelgen. Q.I. Sátbaev atyndaǵy Qazaq ulttyq tehnıkalyq ýnıversıtetin, «Turan-Astana» ýnıversıtetin bitirgen.

Eńbek jolyn 2008 jyly «Alprof» JShS-de programmıst bolyp bastady, Almaty q.

2009–2012 jyldary – «Kazgıdromet» RMK Aqparattyq tehnologııalar departamentiniń jetekshi ınjeneri, basqarma bastyǵy, dırektory.

2012–2013 jyldary – «Jer kadastry ǵylymı-óndiristik ortalyǵy» RMK «Memjerkadastr AAJ» jetekshi mamany, basqarma bastyǵy.

2013–2015 jyldary – kommertsııalyq uıymdarda jumys istedi.

2015–2016 jyldary – Qaraǵandy oblysy ákimi apparatynyń janyndaǵy «Qoǵamdyq kelisim» KMM basshysy.

2017–2018 jyldary – «Samuryk-Qazyna» korporatıvtik ýnıversıtetiniń IT jónindegi bas menedjeri.

2018–2020 jyldary – «Qazgıdromet» RMK Aqparattyq tehnologııalar departamentiniń dırektory.

2020–2022 jyldary – Aqmola oblysy ákimi apparatynyń janyndaǵy Smart Aqmola KMM basshysy.

2022–2024 jyldary – Aqmola oblysy tsıfrlandyrý jáne arhıvter basqarmasynyń basshysy.

2024 jylǵy sáýirden bastap sońǵy taǵaıyndaýǵa deıin QR Týrızm jáne sport mınıstrligi Tsıfrlyq transformatsııa jáne memlekettik qyzmetterdi damytý departamentiniń dırektory.

Aıta keteıik, Asqar Іzbasov áskerı-áýe kúshteriniń qolbasshysy laýazymyna taǵaıyndaldy.