Baýyrjan Álenov mektepter janyna baǵdarsham ornatpaǵan óńirlerdi atady

ASTANA. KAZINFORM – Bıyl mektepterdiń qasynda jaıaý júrginshilerge arnalǵan birde-bir baǵdarsham ornatylmaǵan óńirler bar. Bul týraly Úkimet otyrysynda Іshki ister mınıstriniń birinshi orynbasary Baýyrjan Álenov aıtty.

– Mınıstrlik tarapynan oqý jylyna daıyndyq barysynda birqatar shara qabyldandy. Barlyq bilim berý obektisine tekserý júrgizildi. Jol ınfraqurlymyna qatysty usynystar engizildi. Mektepterdiń mańynda: jaıaý júrginshi baǵdarshamdary, jasandy kedergiler, jol belgileri jáne aqparattyq pannolar, qorshaýlar jáne avtoturaqtar ornatyldy. Qazir 95 paıyzy talaptarǵa sáıkes keledi, - dedi ol.

Mınıstr orynbasary kemshilikter de bar ekenin jasyrǵan joq. 

– Bıyl mektepterdiń qasynda jaıaý júrginshilerge arnalǵan birde-bir baǵdarsham ornatylmaǵan óńirler bar. Olar: Almaty qalasy, Atyraý, Batys Qazaqstan, Jetisý oblystary. Ákimdikter bul jumysty jandandyrý qajet, - dedi Baýyrjan Álenov.

Aıta keteıik, elimizde 267 myń orynǵa arnalǵan 232 mektep salynyp jatyr.