Baýyrjan Ábjanov Ulttyq qorǵanys ýnıversıtetiniń basshysy laýazymyna taǵaıyndaldy

ASTANA. KAZINFORM – Qazaqstan Respýblıkasy Prezıdentiniń jarlyǵymen Baýyrjan Ábjanov Qazaqstan Respýblıkasy Ulttyq qorǵanys ýnıversıtetiniń bastyǵy qyzmetine taǵaıyndaldy. Bul týraly Aqordanyń baspasóz qyzmeti habarlady. 

Taǵaıyndaý qorǵanys salasyndaǵy kadrlyq ózgerister aıasynda júzege asyryldy.

– Memleket basshysynyń ókimimen Baýyrjan Sadyquly Ábjanov Qazaqstan Respýblıkasy Ulttyq qorǵanys ýnıversıtetiniń bastyǵy laýazymyna taǵaıyndaldy, - delingen habarlamada. 

Baýyrjan Ábjanov 1968 jyly 10 sáýirde Aqmola oblysynda dúnıege kelgen.

1990 jyldan bastap Qazaqstannyń ishki áskerleri men Ulttyq ulan sapynda qyzmet atqardy, vzvod komandırinen bastap basshylyq laýazymdarǵa deıin kóterildi. «Shyǵys» óńirlik qolbasshylyǵyn jáne Petropavldaǵy Ulttyq ulan akademııasyn basqardy.

Bul taǵaıyndaýǵa deıin ol QR Ulttyq ulany Bas qolbasshysynyń orynbasary laýazymyn atqardy. 

General-maıor ataǵyn ıelengen.

Eske sala keteıik, buǵan deıin Prezıdent Mıhaıl Shaıdorovty II dárejeli «Barys» ordenimen marapattaıtynyn habarlaǵan edik.