23:22, 16 Naýryz 2024 | GMT +6
«Baýyrsaq party»: Qonaevta 2 tonna baýyrsaq pisirildi
QONAEV. KAZINFORM - Qonaev qalasynda Áz-Naýryz merekesi keń kólemde toılanyp jatyr. Keshe qala jurtshylyǵy «Kórisý kúnin» atap ótse, búgin ulttyq taǵamdy nasıhattaý maqsatynda «Baýyrsaq party» uıymdastyryldy.
Almaty oblysy ákimdiginiń málimetinshe, atalǵan shara qalalyq kitaphanada ótti. Budan bólek, Sheńgeldi jáne Arna aýyldarynda uıymdastyryldy. Kásipkerler de qalyspaı, dámhanalarda kelýshilerge ulttyq taǵamdy usyndy. Jalpy 2000 keli baýyrsaq pisirildi.
Arna aýylynda ótken «Baýyrsaq party» kórisý rásimine ulasty. Qazaqy mádenıetten syr shertetin rásimge aýyl halqy qýana qatysyp, belsendilik tanytty. Jurt baýyrsaq jep, naýryz kójeden de aýyz tıdi. Toı ónerpazdardyń án-jyr, bı shashýyna jalǵasty.
