«Baýyryna salý» kartınasy Italııadaǵy festıvalde bas júlde aldy
ASTANA. KAZINFORM – Qazaqstandyq rejısser Ashat Kýchıncherekovtyń «Baýyryna Salý» fılmi Italııanyń Iskııa aralynda ótip jatqan 23-shi Ischia Film Festival halyqaralyq kınofestıvaliniń bas júldesin jeńip aldy.
Atalǵan týyndy «Úzdik tolyqmetrajdy fılm» nomınatsııasy boıynsha jeńimpaz atandy. Fılm Qazaqstan Mádenıet jáne aqparat mınıstrliginiń jáne Ulttyq kınony qoldaý memlekettik ortalyǵynyń qoldaýymen túsirilgen.
Esterińizge sala keteıik, buǵan deıin kartına Asia Pacific Screen Awards-taǵy eń úzdik jastar fılmi atandy, Ázerbaıjandaǵy Baku International Film Festival dodasynda da bas júldege ıe boldy. Frantsııadaǵy Cinema Heritage Festival baıqaýynda arnaıy marapatqa ıe boldy.
Operator Janarbek Eleýbek Asia World Film Festival-da «Úzdik operator» nomınatsııasy boıynsha top jardy. Sonymen qatar fılm resmı túrde Qazaqstannan «Shet tilindegi úzdik fılm» nomınatsııasy boıynsha «Oskar-2025» syılyǵyna usynyldy. 22-shi halyqaralyq «Dýh ognıa» kınofestıvaliniń bas júldesin jáne basqa birqatar marapatty ıelendi.
Fılmniń sıýjeti ejelgi qazaq dástúri boıynsha ájesiniń tárbıesinde bolǵan balanyń oqıǵasyn baıandaıdy. Ájesi ómirden ótken soń bala ata-anasyna oralyp, jańa ortada beıtanys adamdarmen qarym-qatynasy qıyndaıdy.
QR Mádenıet jáne aqparat mınıstrliginiń baspasóz qyzmeti málim etkendeı, 2003 jyly negizi qalanǵan Ischia Film Festival – Eýropadaǵy eń kórkem jáne erekshe festıvalderdiń biri. Ol ortaǵasyrlyq Aragon saraıynyń aýmaǵynda ótedi.
Festıvaldiń basty ereksheligi – kınonyń kórneki ortasyna jáne túsirilim oryndarynyń kórkemdik róline nazar aýdarý. Sonyń arqasynda árbir fılm mádenı jáne tabıǵı keńistik kontekstinde qarastyrylady.
Aıta keteıik, qazaqstandyq rejısser Ashat Kýchınchırekovtyń «Baýyryna salý» fılmi Oskarǵa qalaı usynylǵanyn jáne týyndy nelikten álemdik úzdik kartınalar tizimine enýi tıis ekeni belgili boldy.