Batysta áskerı súńgýirler mashyǵyn jetildirdi
Atyraý garnızony baspasóz qyzmetiniń málimetinshe, oqý-jattyǵý jıynynyń negizgi maqsaty – bólimshelerdiń jaýyngerlik daıyndyǵyn, tapsyrmalardy oryndaý qabiletin tekserý.
Sondaı-aq, komandırlerdiń akvatorııada jaýyngerlik tapsyrmalardy oryndaý kezinde bólimshelerdi basqarý qabileti baǵalanǵan.
«Oqý-jattyǵý kezinde áskerı súńgýirler teorııalyq jáne praktıkalyq bilimi men mashyǵyn jetildirdi. Súńgýirler ár túrli qashyqtyqta jyldamdyq pen tózimdilikke, tereńdikke sýda súńgý, júzý qondyrǵylaryn iske qosý, motorly qaıyqtardy basqarýǵa arnalǵan synaqtardy tapsyryp, alǵashqy medıtsınalyq kómek tapsyrmalaryn oryndady. Jeke quramnyń qarý jaraqty, arnaıy tehnıkany jáne qural-jabdyqtardy jaýyngerlik daıyndyq jaǵdaıyn keltirý, sý ortasynda ómir súrý qabiletin arttyrýdaǵy daǵdysy men bilimi saralandy», - dedi Bas shtabtyń arnaıy operatsııalar bóliminiń aǵa ofıtseri podpolkovnık Aqylbek Kenjebaev.
Eske sala ketelik, buǵan deıin batysta jaz sarbazdar áskerı daıyndyqtan ótkenin jazǵan edik.
