Batysta - aptap ystyq, soltústikte - jel: 11 shildege arnalǵan aýa raıy
NUR-SULTAN. QazAqparat – Sınoptıkter 11 shilde kúni Qazaqstanda aýa raıy qandaı bolatynyn aıtty, dep habarlaıdy QazAqparat Qazgıdrometke silteme jasap.
Senbide el aýmaǵynyń basym bóliginde aýa raıy qubylmaly bolady. Kún kúrkirep, jańbyr jaýady, tek ońtústik batysta jáne soltústik batysta jaýyn-shashynsyz aýa raıy kútiledi. Keı jerlerde jel kúsheıedi, ońtústikte shańdy daýyl turyp, shyǵysta burshaq jaýýy yqtımal.
Shyǵys Qazaqstan oblysynyń keı jerlerinde jel 15-20 m/s kúsheıedi, daýyl turýy, burshaq jaýýy múmkin.
Túrkistan, Almaty, Pavlodar, kúndiz Aqmola, Jambyl, Batys Qazaqstan, Soltústik Qazaqstan, Qaraǵandy oblystarynyń keı jerlerinde jeldiń jyldamdyǵy 15-20 m/s jetedi.
Qyzylorda oblysynda jel turyp, shańdy daýylǵa ulasady.
Kúndiz Atyraý, Batys Qazaqstan, Aqtóbe, Qyzylorda, Mańǵystaý, Qostanaı oblystarynda, sondaı-aq Túrkistan oblysynyń batysynda aptap ystyq bolady.
Qyzylorda oblysynyń basym bóliginde, Jambyl, Túrkistan, Qaraǵandy oblystarynyń keı jerlerinde, Aqtóbe oblysynyń ońtústiginde, Atyraý, Almaty oblystarynyń batysynda joǵary órt qaýpi saqtalady.
