Batysqazaqstandyqtarǵa merekelik marapattar tabys etildi
Saltanatty jıynǵa qatysýshylardy eń ulyq merekemen quttyqtaǵan oblys ákimi Altaı Kólginov táýelsizdik alǵannan bergi kezeńde Elbasymyzdyń bastaýymen Qazaqstannyń, sonyń ishinde Batys Qazaqstan oblysynyń kóptegen tabystarǵa qol jetkizgenin atap ótti.
Osy kezeńde óńirde 60 mektep, 80 balabaqsha, 105 densaýlyq saqtaý nysany paıdalanýǵa berilip, 4 mln astam sharshy metr turǵyn úı iske qosyldy. Óńirlik jalpy ónim kólemi 2300 esege ósti. Mundaǵy ónerkásiptiń arasalmaǵy eki esege jýyq artty. Sońǵy on jylda kásipkerler sany 2,5 esege kóbeıdi. Tek 2017 jyly 300 myń sharshy metr turǵyn úı boı kóterdi. Oblysta 500 shaqyrymdaı avtokólik joldary jóndelip, barlyq qarjylandyrý kózderi esebinen 24 bilim nysany salynýda.
Mádenıet, sport nysandary, «Nurly jer» baǵdarlamasy aıasynda Oral, Aqsaı qalalarynda jáne aýdandarda jańa úıler (1700 páter) turǵyzylýda. Memleket basshysynyń tapsyrmasyna sáıkes oblys aýdandarynda aýyldardy gazdandyrý, aýyz sýmen qamtý jumystary da qarqyndy júrgizilýde.
Óńir basshysy QR Prezıdentiniń Jarlyǵyna sáıkes memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqty nyǵaıtýǵa qosqan úlesi úshin bir top batysqazaqstandyqqa marapattaryn tabys etti.
«Parasat» ordenimen óńirge tanymal eńbek ardageri, Qaztalov aýdanynda Aqpáter ólketaný mýzeıin qurǵan Kárim Óteǵulov pen «Batys Qazaqstan elektr jelilerin taratý kompanııasy» AQ dırektorlar keńesiniń tóraǵasy ıAhııa Chýdrov marapattalsa, Oral qalasyndaǵy «Qurylysgaz» JShS dırektory Kárımolla Jaqypov, oblys ákiminiń orynbasary Bıbgúl Qonysbaeva, «Fın bıznes haby» kompanııasynyń dırektory Muhtar Mańkeev, «KATEK» jobalaý-ınjınırıngilik kompanııasy» JShS bas dırektory Qundyz Nupov jáne «Qarashyǵanaq Petrolıým Opereıtıng B.V.» kompanııasynyń bas dırektory Renato Marolı «Qurmet» ordenine ıe boldy.
Jańaqala aýdany «Kóshim» JShS-nyń aǵa jylqyshysy Serikqalı Bólesh, Bórli aýdany «Aqsaıgazservıs» AQ mashınısi Ermek Ihlasov jáne «Batys Qazaqstan elektr jelilerin taratý kompanııasy» AQ elektrmontajnıgi-mashınısi Bısembi Ótepbergenov úshinshi dárejeli «Eńbek dańqy» ordenimen, basqa da birqatar adamdar «Eren eńbegi úshin», «Shapaǵat» medaldarymen, QR Qurmet gramotasymen marapattaldy. Ǵ.Qurmanǵalıev atyndaǵy oblystyq fılarmonııa solısi Jańylsyn Hasanova «Qazaqstannyń eńbek sińirgen qaıratkeri» ataǵyna ıe boldy.
