Batysqazaqstandyqtardyń respýblıkalyq jarystardaǵy jetistigi
ORAL. QazAqparat - Atyraý qalasynda dzıýdo kúresinen 23 jasqa deıingi jastar arasynda ótken Qazaqstan chempıonatynda BQO quramasy sátti óner kórsetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, ásirese, Temirlan Kólbaı asa aýyr salmaqta tamasha kúresip, chempıon atandy. Oǵan qosa Ańsarbek Ǵaınýllın 73 kelide kúmis, Saıat Seıitqalıev 66 kelide qola júldege ıe boldy.
Temirlan - dzıýdo ǵana emes, qazaq kúresinen de túrli jarystarda olja salyp júrgen palýan.
Aıta keteıik, osy kúnderi Aqtóbe qalasynda ótip jatqan «Aq bıdaı» VІ respýblıkalyq aýyl sporty oıyndarynda batysqazaqstandyq taǵy bir sportshy Narmaǵambet Imanǵazyuly aýdaryspaqtan 60 keli salmaqta ekinshi orynǵa kóterilip, kúmis medaldi jeńip aldy.
