Batysqazaqstandyqtar sodyrlarmen qaqtyǵys kezinde qaza tapqan batyrlar rýhyna taǵzym etti

ORAL. QazAqparat – Batys Qazaqstan oblysynyń turǵyndary Jalpyulttyq aza tutý kúnine oraı sodyrlarmen qaqtyǵystar kezinde qaza tapqan batyrlar rýhyna taǵzym etti, dep habarlaıdy QazAqparat tilshisi.

Búgin jastardyń bir toby Oral qalasyndaǵy Máńgilik alaýǵa gúl shoqtaryn qoıdy.

BQO jastarmen jumys jónindegi resýrstyq ortalyǵynyń basshysy Ádilgereı Zulharovtyń málim etkenindeı, jastar osylaısha eli úshin mert bolǵan erlerdi eske aldy.

Onyń aıtýynsha, tórtkúl dúnıeni eleń etkizgen elimizdegi oqıǵadan keıin jaǵdaı birtindep ornyna kelip jatyr.

«Qıyn kúnderde Prezıdent Qasym-Jomart Toqaevtyń qabyldaǵan batyl da shuǵyl sheshimderiniń arqasynda qaýip bulty seıildi. Osyndaı sátte biz de Memleket basshysyna

qoldaý kórsetip, birligimizdi tanyta bilýimiz kerek. Eldegi búlikti uıymdastyrýshylar tabylar, biraq qaıtqan bozdaq, óshken úmittiń ornyn eshkim toltyra almas. Marqum bolǵandardyń otbasylaryna, jaqyn-jýyqtaryna, jalpy Qazaqstan halqyna qaıǵyryp kóńil aıtamyz. Elimiz tynysh, egemendigimiz máńgilik bolsyn!», - dedi Á.Zulharov.

Sondaı-aq Aq Jaıyq óńiriniń birqatar aqyndary men Qadyr Myrza Álı atyndaǵy mádenıet jáne óner ortalyǵynyń qyzmetkerleri Syrym Datuly eskertkishine gúl shoqtaryn qoıyp, el úshin janyn qıǵan erlerdiń rýhyna taǵzym etti.

«El Táýelsizdigi úshin sheıit bolǵan batyrlardyń jany jannatta, ımany salamat bolsyn. Qaıǵyly kúnder artta qalyp, jarqyn bolashaqtyń jaryq tańy atsyn! Týymyz túspesin, tuǵyrymyz berik bolsyn, shańyraǵymyz shaıqalmasyn!», - dedi aqyn, Qadyr ortalyǵynyń dırektory Baýyrjan Halıolla.

Eske sala keteıik, budan buryn Oralda Ulttyq ulan sodyrlarmen urysta qaza tapqan bozdaqtardy eske alǵanyn jazǵan bolatynbyz.