Batysqazaqstandyqtar pankratıon men grepplıngten el chempıonatynan oljaly oraldy
ORAL. QazAqparat - Batysqazaqstandyq sportshylar Qyzylorda qalasynda pankratıon, grepplıng jáne grepplıng-gıden márege jetken el chempıonatynda tabysty óner kórsetti, dep habarlaıdy «QazAqparat» HAA tilshisi.
BQO quramasynyń bapkeri Armat Sársekenovtiń aıtýynsha, birinshilikke Astana, Almaty qalalary men barlyq oblystan 16 komanda quramynda 500-den astam sportshy qatysyp, baq synady.
Jarys jeńimpazdary pankratıonnan Bishkekte (Qyrǵyzstan) ótetin Azııa, Nıý-Delıdegi (Úndistan) álem chempıonattaryna, sondaı-aq grepplıngten Nıý-Delıdegi Azııa jáne Bakýde bolatyn álem birinshilikterine joldama aldy.
«BQO namysyn 10 sportshy qorǵasa, sonyń segizi júldege ilikti. Atap aıtqanda, Máýlen Ápendın 62 kg, Zaıadın Muhamedjanov 77 kg salmaqta chempıon atandy. Oǵan qosa qos kúmis, tórt qola medaldi ıelenip qaıttyq. Endi Azııa, álem chempıonattaryna daıyndalatyn bolamyz», dedi «QazAqparat» tilshisine Armat Sársekenov.
