Batysqazaqstandyq júzý sheberi el chempıonatynan jeńispen oraldy
ORAL. QazAqparat - Batysqazaqstandyq Jáńgir Joldasbaev Temirtaý qalasynda sýǵa júzýden 2003-2004 jylǵy jasóspirimder arasynda ótken el chempıonatynan jeńispen oraldy, dep habarlaıdy «QazAqparat» HAA tilshisi.
Ol brass ádisimen júzýde 50 metr jáne 100 metr qashyqtyqta chempıon atansa, 200 metrden qola júldeni ıelendi. Jáńgir qazirgi tańda qaladaǵy №44 orta mekteptiń 7-synybynda oqıdy.
«Sý sporty túrleri boıynsha balalar men jasóspirimder sport mektebinde («Jaıyq samaly» júzý basseıninde) jattyǵatyn Jáńgir Joldasbaev, 13 jasar Mánshúk Sultanǵalıeva syndy bolashaǵynan úmit kúttiretin jetkinshekterimiz barshylyq. Jáńgirdi endi 3-5 sáýir aralyǵynda Aqtóbe qalasynda sýǵa júzýden eresekter arasynda ótetin Qazaqstan chempıonatyna daıyndap jatyrmyz», dedi bapkeri Erlan Moldashev.
