Batysqazaqstandyq jol polıtseıleri «Gazel» avtokóligin aıdap ketken azamatty qolǵa túsirdi
ORAL. 25 qarasha. QazAqparat /Eljan Eraly/ - Bıylǵy 17 qarashada Oraldaǵy Qurmanǵazy kóshesi boıyndaǵy «Oral» dúkeni mańynan belgisiz bireýler «Gazel» avtokóligin aıdap ketken.
BQO jol polıtsııasy basqarmasynyń baspasóz qyzmetinen habarlaǵanyndaı, jedel izdestirý sharalary barysynda atalmysh avtokólik eki kún ótken soń Orazbaeva kóshesindegi 2/4 úıdiń aýlasynan tabyldy. Kóp uzamaı kúdikti de qolǵa tústi. Ol Zelenov aýdany Volodar aýylynyń 1994 jylǵy K. degen turǵyny bolyp shyqty. Jol polıtsııasy basqarmasy bastyǵynyń orynbasary, polıtsııa podpolkovnıgi Sáken Qaıroldınniń aıtýynsha, K. osyndaı qylmysy úshin túzetý ornynan 27 qyrkúıek kúni bosaǵan.
Bıylǵy on aıda avtokólik quraldary 59 ret aıdap ketilgen, sonyń tek úsheýi ǵana ashylmaı otyr. Ashylý kórsetkishi 91,7 paıyzdy quraıdy.
