Batysqazaqstandyq jasóspirim jekpe-jekten el chempıony atandy
ORAL. QazAqparat - Petropavl qalasynda balalar men jasóspirimder arasynda ulttyq sport túri jekpe-jekten el chempıonaty márege jetti, dep habarlaıdy QazAqparat tilshisi.
BQO ulttyq sport mektebiniń dırektory Dastan Myrzaǵalıevtiń aıtýynsha, «Rýhanı jańǵyrý» baǵdarlamasy aıasynda uıymdastyrylǵan aıtýly dodaǵa 15 komanda quramynda 300-den astam sportshy qatysty.
Jarys elimizde ulttyq sporttyń jekpe-jek túrimen aınalysýshy jas býynnyń qatary kóbeıip kele jatqandyǵyn taǵy bir tanytty. Sonyń ishinde batysqazaqstandyqtar da tabysty óner kórsetip, júldegerler qatarynan kórindi. Jasóspirimder arasynda Qadyrbek Asylbekov 43 kg salmaqta qarsylas shaq keltirmeı, chempıon atandy. Al Shyńǵys Shaıholla 35 kg salmaqta úshinshi orynǵa kóterildi. BQO ulttyq sport mektebiniń shákirtterin bapker Aıdyn Ihsanov jattyqtyrady.
