Batysqazaqstandyq jas voleıbolshylar Ýfada ótken jarystan júldemen oraldy
ORAL. QazAqparat - Batysqazaqstandyq jas voleıbolshylar Ýfada 2006-2008 jylǵy jasóspirimder arasynda ótken halyqaralyq týrnırden júldemen oraldy, dep habarlaıdy QazAqparat tilshisi.
Voleıboldan jasóspirimder arasynda BQO quramasynyń aǵa bapkeri Sergeı Kazaktyń aıtýynsha, atalmysh týrnırge Reseı, Tatarstan men Bashqurtstan jáne Qazaqstannan barlyǵy 8 komanda qatysyp, baq synady.
Negizinen Oral qalasyndaǵy olımpıadalyq rezervtegi balalar-jasóspirimder sport mektebi men №4 balalar-jasóspirimder sport mektebi tárbıelenýshilerinen quralǵan BQO komandasy fınalda ǵana asa tartysty oıynda Ýfa voleıbolshylaryna 2:3 esebimen ese jiberip, ekinshi orynǵa ıe boldy.
Úshinshi orynǵa Novokýıbyshevsk komandasy (Samara oblysy) kóterildi.
BQO-dan Danııl Sýharev úzdik oıynshy atandy.
