Batysqazaqstandyq jas sportshylar birneshe jarystan oljaly oraldy
ORAL. QazAqparat - Sportqa daryndy balalarǵa arnalǵan mamandandyrylǵan oblystyq mektep-ınternatynyń shákirtteri birneshe jarystan oljaly oraldy, dep habarlaıdy «QazAqparat» tilshisi.
Atalmysh mektep-ınternattan túsken málimetke qaraǵanda, Nursultan Zaızaǵalıev Reseıdiń Samara qalasynda dzıýdo kúresinen RF-nyń eńbek sińirgen jattyqtyrýshysy Pavel Ivannıkovti eske alýǵa arnalǵan oblystyq ashyq týrnırde 50 kg salmaqta jeńimpaz atandy. Mektep-ınternattyń úzdik sportshylarynyń biri N.Zaızaǵalıevti Narıman Bekqalıev jattyqtyrady.
Sol sekildi Orynbor qalasynda aýyr atletıkadan ótken halyqaralyq týrnırde Erjan Jumaǵulov 85 kg, Arman Іzteleýov 77 kg, Serjan Hamıdolla 38 kg, Artýr Zyrıanov 50 kg salmaqta top jardy. Al Madııar Aıdar 46 kg, Rýstam Orashev 50 kg, Ótepbergen Álıev 62 kg, Vıktor Tarasov 94 kg, Dmıtrıı Shýlepov 69 kg salmaqta ekinshi orynǵa kóterildi. 
Oǵan qosa Aqtóbede bokstan 2003-2004 jylǵy jasóspirimder arasynda márege jetken QR chempıonatynyń aımaqtyq birinshiliginde Sanjar Marksov altynnan alqa taqsa, Altynbek Tólesh pen Ábýbákir Ihsanov qola júldege ıe boldy.
