Batysqazaqstandyq Jansaıa Mýsına Tarbaǵataıda ótken halyqaralyq aıtysta ekinshi orynǵa ıe boldy

ORAL. QazAqparat - Shyǵys Qazaqstan oblysy Tarbaǵataı aýdanynyń ortalyǵy Aqsýat aýylynda halyqaralyq aıtys márege jetti, dep habarlaıdy QazAqparat tilshisi.

Aıtys úsh kúnge sozylǵan «Tuǵyry bıik Tarbaǵataı» atty halyqaralyq sport jáne óner festıvali aıasynda uıymdastyryldy.

Elge belgili kásipker Dýlat Tastekeevtiń demeýshiligimen «Týǵan jerge týyńdy tik» atty halyqaralyq jyr dodasy osymen tórtinshi ret ótkizildi.

Aıtysqa Nurmat Mansurov, Rústem Qaıyrtaıuly, Jansaıa Mýsına, Qanat Myrzahan, Dýlat Shiderın, Muhtar Nııazov, Syrym Áýezhan, Arýna Kerimbek, Aspanbek Shuǵataev, Mońǵolııadan Aıdos Rashat, Qyrǵyzstannan Aqjoltaı Qanatbekuly, Qytaıdan kelgen Erlan Amanqojauly syndy aqyndar qatysyp, baq synady.

Aıtys qorytyndysynda Erlan Amanqojauly bas júldeni (2 mln teńge) jeńip aldy.

Tarazdyq Qanat Myrzahan birinshi (1 mln teńge), batysqazaqstandyq Jansaıa Mýsına ekinshi (700 myń teńge), almatylyq Rústem Qaıyrtaıuly úshinshi (500 myń teńge) orynǵa ıe boldy.

Jyl saıyn tabystalatyn arnaıy stıpendııa (2,4 mln teńge) bıyl Aspanbek Shuǵataevqa berildi.

«Jalpy, aıtystyń deńgeıi joǵary boldy. «Rýhanı jańǵyrý» baǵdarlamasy aıasynda kásipker Dýlat Tastekeev bıyl sport jáne óner festıvali etip keń aýqymda uıymdastyrǵan eken. Soǵan bárimiz kýá boldyq», dedi QazAqparat tilshisine Jansaıa Mýsına.