Batysqazaqstandyq ustaz-dombyrashyǵa «QR bilim berý isiniń qurmetti qyzmetkeri» ataǵy berildi
ORAL. 21 qazan. QazAqparat /Eljan Eraly/ - Qurmanǵazy atyndaǵy Oral mýzyka kolledji dırektorynyń oqý isi jónindegi orynbasary, dombyrashy Nurjan Sertekovke «QR bilim berý isiniń qurmetti qyzmetkeri» ataǵy berildi.
Nurjan Sertekov ustazdyq etýmen birge kóp jyldar boıy kúı ónerin nasıhattap keledi. Onyń Batys Qazaqstan óńiriniń mýzykalyq folklory týraly jınaqtary da jaryq kórgen.
Dombyrashy baptaǵan shákirtter respýblıkalyq, halyqaralyq baıqaýlarda báıge alyp júr.
