Batysqazaqstandyq ýnıversıtet ıtalıandyq kompanııalarmen baılanysty nyǵaıta túspek
ORAL. QazAqparat - Jáńgir han atyndaǵy Batys Qazaqstan agrarlyq-tehnıkalyq ýnıversıteti ıtalıandyq kompanııalarmen baılanysty nyǵaıta túspek. Bul týraly atalmysh JOO-da «Ýnıversıtet jáne shetel kompanııalary» taqyrybynda ótken halyqaralyq konferentsııada aıtyldy, dep habarlaıdy «QazAqparat» tilshisi.
Italııadan Sant'Anna ýnıversıteti, «DG Group», «Valagro-DG Group» kompanııalary, sondaı-aq elimizdegi sheteldik jáne otandyq kásiporyndardyń ókilderi qatysqan jıynda oblys ákiminiń orynbasary Ǵabıdolla Ospanqulovtyń atap ótkenindeı, Memleket basshysy elimiz táýelsizdik alǵannan beri ınvestıtsııa tartý máselesine basa kóńil bólip keledi.
Osyndaı saıasat nátıjesinde elge mıllıardtaǵan ınvestıtsııalar tartylyp, ekonomıka jańa deńgeıge kóterilýde. Bul rette adamı kapıtaldy damytý mańyzdy ról atqarady. Mysaly, tabıǵı baılyqtary bolmasa da, Japonııa ǵylym, ınnovatsııa men tehnologııalardy jáne adamı kapıtaldy tıimdi paıdalana bilýdiń arqasynda aldyńǵy qatarly elderdiń qataryna qosyldy. Osy oraıda ıtalıandyq kompanııalardyń Jáńgir han atyndaǵy Batys Qazaqstan agrarlyq-tehnıkalyq ýnıversıtetimen áriptestik baılanys ornatyp, jumysty birlese júrgizýge qulshynys tanytýy quptarlyq.
Jáńgir han atyndaǵy BQATÝ-dyń basqarma tóraǵasy - ýnıversıtet rektory Asqar Námetovtiń aıtýynsha, qazirgi tańda bilim salasyna jańa mindetter qoıylyp otyr. ıAǵnı kásibı ǵana emes, sonymen qatar jańasha oılaıtyn, IT-tehnologııalaryn meńgergen, basqarý isine jetik, bızneske beıim mamandar daıarlaý qajet.
Ýnıversıtet bilikti kadr daıarlaý maqsatynda 150, sonyń ishinde 22 sheteldik kompanııamen kelisimshart jasasqan bolatyn. Sonyń biri ıtalıandyq «Kaspıan Prodjer» kompanııasymen (bas dırektory Krıshı Gaetano) 2014 jyly baılanys ornatyldy. Kelisim aıasynda 2016 jyly pılottyq negizde «Arman» zerthanasy ashylyp, jumys jasaı bastady. Kúni búgin munda ýnıversıtettiń 32 túlegi eńbek etedi, olar tıisti daıyndyqtan keıin kez kelgen sheteldik kompanııaǵa ornalasa alady.
«Arman» zerthanasy» JShS bas dırektory Krıshı Gaetano yntymaqtastyq aıasyn keńitip, endi bul iske basqa da ıtalıandyq áriptesterin qospaqshy. Aıtalyq, qurylǵanyna jarty ǵasyrdan asqan «DG Impianti» kompanııasy munaıgaz, energetıka, tabıǵı baılyqtar, hımııa jáne munaıhımııa ónerkásibi syndy salalarda qyzmet etýge mamandanǵan. Jalpy, ıtalıandyq kompanııalardyń ǵylymdaǵy, óndiristegi mol bilimi men tájirıbesin Qazaqstanǵa ákelý arqyly aýyl sharýashylyǵyn, munaı-gaz salasyn odan ári damytýǵa bolady.
Konferentsııada sondaı-aq «DG Impianti» kompanııasynyń bas dırektory Palotstso Ýılıam men bas atqarýshy dırektory Mıke¬le Andjelo Tortorella, «Italfluid-DG Group» kompanııa¬sy¬nyń bas dırektory Antonıo Galletta, Italııanyń Sant'Anna ýnıversıtetiniń (Pıza qalasy) rektory Perrata Perdomınıko, «Valagro-DG Group» kompanııasynyń prezıdenti Ottorıno La Rokka óz oı-tolǵamdarymen, tájirıbelerimen bólisti.
Jıyn sońynda bilim-ǵylym salasyndaǵy halyqaralyq áriptestikti nyǵaıtý jáne ýnıversı¬tetke ınvestıtsııa tartý maqsatynda Jáńgir han atyndaǵy BQATÝ, «Arman» zerthanasy» JShS jáne «Dı Djı Qazaqstan» (DG Ka-zakhstan) JShS arasynda «Mechta» zerthanasy birlesken kásipornyn» qurý týraly úsh jaqty kelisimshartqa qol qoıyldy.
