Batysqazaqstandyq turǵyn 366 dana kıik múıizimen qolǵa tústi
ORAL. QazAqparat – Batysqazaqstandyq turǵyn 366 dana kıik múıizimen qolǵa tústi, dep habarlaıdy QazAqparat tilshisi.
Batys Qazaqstan oblystyq Polıtsııa departamentiniń baspasóz qyzmetinen túsken málimetke qaraǵanda, oqıǵa 2 mamyr kúni boldy.
Jedel izdestirý sharalary barysynda kıik múıizin satý ústinde 1991 jylǵy turǵyn ustaldy. Odan 366 kıik múıizine qosa «Volkswagen» avtokóligi tárkilendi.
Qazirgi kezde onyń basqa da qylmystarǵa qatystylyǵy tekserilýde.
Atalǵan derek boıynsha QR QK 339-baby 1-1-bóligine (kıikti zańsyz qolǵa túsirý, joıý, sol sııaqty zańsyz qolǵa túsirilgen kıikti nemese onyń derıvattaryn, onyń ishinde múıizderin ıemdený, saqtaý, ótkizý, ákelý, áketý, jóneltý, tasymaldaý) sáıkes tergeý amaldary júrgizilýde.
Bul bap boıynsha aıypty dep tanylǵan adam múlki tárkilenip, úsh jyldan bes jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
Jyl basynan beri oblysta ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysýǵa qatysty 17, zańsyz ańshylyqqa baılanysty 5, zańsyz balyq aýlaýǵa qatysty 2, kórineý qylmystyq jolmen tapqan múlikti ıemdený nemese ótkizýge baılanysty 6 qylmys ashyldy.
Sondaı-aq janýarlar álemin paıdalaný men ań aýlaý talaptaryn buzýǵa qatysty 140, balyq jáne basqa sý janýarlaryn aýlaý erejelerin buzýǵa baılanysty 39 ákimshilik quqyqbuzýshylyqtyń beti ashyldy. 6 tonnadan astam balyq tárkilendi.
Eske sala keteıik, budan buryn BQO-da tórt turǵynnyń 227 dana kıik múıizimen ustalǵanyn jazǵan bolatynbyz.
Qazirgi kezde bul derek boıynsha 1997 jáne 1978 jylǵy turǵyndarǵa qatysty tergeý amaldary júrgizilýde.
