Batysqazaqstandyq teatr halyqaralyq festıvaldiń bas júldesin ıemdendi
ORAL. QazAqparat - Batys Qazaqstan oblystyq qazaq drama teatry Makedonııada márege jetken «Stobı - 2017» halyqaralyq teatr festıvaliniń bas júldesin jeńip aldy, dep habarlaıdy «QazAqparat» tilshisi.
Batysqazaqstandyq teatr H.Mıýllerdiń «Fıloktet-Medeıa» tragedııasymen aıtýly óner dodasyna qatysty. Qoıylymnyń rejısseri - belgili rejısser, Sh.Aıtmatov atyndaǵy halyqaralyq syılyqtyń laýreaty Qýandyq Qasymov.
Atalmysh festıvalde sondaı-aq teatr akteri Salaýat Túmenov «Eń úzdik er adam», al QR mádenıet salasynyń úzdigi Nurgúl Jubatova «Eń úzdik áıel obrazy» atalymy boıynsha úzdik atandy.
Eske sala keteıik, batysqazaqstandyq teatr atalmysh festıvalde osymen ekinshi ret bas júlde ıegeri atanyp otyr. Teatr budan bir jyl buryn Makedonııanyń Veles qalasynda ótken «Stobı - 2016» antıkalyq drama teatrlarynyń HV halyqaralyq festıvalinde de úzdik shyqqan bolatyn. Onda batysqazaqstandyq ujym kóne grek dramatýrgi Evrıpıdtiń áıgili shyǵarmasy negizinde «Troıa arýlaryn» (onyń da rejısseri Qýandyq Qasymov) sahnalaǵan edi. Sol dodada Gran-prıge qosa Qýandyq Qasymov «Eń úzdik rejıssýra», Gekýba beınesin somdaǵan Qazaqstannyń eńbek sińirgen qaıratkeri Bıbigúl Esalıeva «Eń úzdik áıel obrazy» atalymdaryn enshilep qaıtqan bolatyn.
